ಐಸಿಸಿ ಟೆಸ್ಟ್ ಚಾಂಪಿಯನ್ಶಿಫ್ ಫೈನಲ್ ಪಂದ್ಯಾವಳಿಯಲ್ಲಿ ನ್ಯೂಜಿಲೆಂಡ್ ತಂಡದ ವಿರುದ್ಧ ಆರಂಭಿಕ ಆಟಗಾರರಾಗಿ ಶುಭಮನ್ ಗಿಲ್ ಜೊತೆ ಕಣಕ್ಕಿಳಿದ ರೋಹಿತ್ ಶರ್ಮಾ ಟೀಂ ಇಂಡಿಯಾ ತಂಡಕ್ಕೆ ಉತ್ತಮ ಆರಂಭ ಕಟ್ಟಿಕೊಡುವಲ್ಲಿ ಯಶಸ್ವಿಯಾಗಿದ್ದಾರೆ. ಆದರೆ ಕೈಲೆ ಜೆಮಿಸನ್ ಮಾರಕ ಬೌಲಿಂಗ್ ದಾಳಿಗೆ ತತ್ತರಿಸಿದ ಟೀಂ ಇಂಡಿಯಾ 217 ರನ್ಗಳಿಗೆ ಸರ್ವಪತನ ಕಂಡಿದೆ.
ಆದರೆ ಈ ನಡುವೆ ಪಂದ್ಯದಲ್ಲಿ ನಡೆದ ಕೆಲ ಅದ್ಭುತ ಸನ್ನಿವೇಶಗಳು ಟ್ರೋಲಿಗರಿಗೆ ಬಾಡೂಟವನ್ನ ಬಡಿಸಿದೆ. ಪೆವಿಲಿಯನ್ ಕಡೆ ಮರಳಿದ ರೋಹಿತ್ ಶರ್ಮಾ ಬಳಿಕ ಮ್ಯಾಚ್ನ್ನು ಬೈನಾಕುಲರ್ ಸಹಾಯದಿಂದ ವೀಕ್ಷಿಸಿದ್ದು ಈ ಫೋಟೋವನ್ನ ಬಳಸಿಕೊಂಡು ಟ್ವಿಟರ್ನಲ್ಲಿ ತರಹೇವಾರಿ ಮಾದರಿಯ ಟ್ರೋಲ್ಗಳನ್ನ ಹರಿಬಿಡಲಾಗ್ತಿದೆ.
ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡ ನ್ಯೂಜಿಲೆಂಡ್ ತಂಡ ಟೀಂ ಇಂಡಿಯಾವನ್ನ ಕಟ್ಟಿಹಾಕುವಲ್ಲಿ ಯಶಸ್ವಿಯಾಯ್ತು. ಕೀವಿಸ್ ತಂಡದ ಬೌಲರ್ ಜೆಮಿಸನ್ ಬರೋಬ್ಬರಿ 5 ವಿಕೆಟ್ಗಳನ್ನ ಕಬಳಿಸುವ ಮೂಲಕ ಟೀಂ ಇಂಡಿಯಾ ಆಟಗಾರರ ಪಾಲಿಗೆ ದುಃಸ್ವಪ್ನದಂತಾದರು. ಇನ್ನುಳಿದಂತೆ ಬೌಲ್ಟ್ ಹಾಗೂ ವ್ಯಾಗ್ನರ್ ತಲಾ 2 ವಿಕೆಟ್ ಉರುಳಿಸುವಲ್ಲಿ ಯಶಸ್ವಿಯಾದರು. ಟೀಂ ಇಂಡಿಯಾ ಪರವಾಗಿ ಕೊಹ್ಲಿ 44 ಹಾಗೂ ರಹಾನೆ 49 ರನ್ಗಳನ್ನ ಸಿಡಿಸಿದ್ರು. ಇವರನ್ನ ಹೊರತುಪಡಿಸಿದ್ರೆ ಮಿಕ್ಕೆಲ್ಲ ಆಟಗಾರರು ಕೀವಿಸ್ ಬೌಲರ್ಗಳ ದಾಳಿಗೆ ಬಹುಬೇಗನೆ ಶರಣಾದರು .
https://twitter.com/albezzia_spock/status/1406254469394796558
https://twitter.com/AkshatOM3/status/1406332952284332036
Loading ...