ಬ್ಯಾಂಕ್ನಲ್ಲಿ ಜನರ ಸೇವೆಗೆ ಆನ್ಲೈನ್ ವ್ಯವಸ್ಥೆಗಳಿವೆ. ಅದನ್ನು ಹೊರತಾಗಿ ರೋಬಾಟ್ ಕೂಡ ಎಂಟ್ರಿ ಕೊಡುವ ಕಾಲ ಸನ್ನಿಹಿತವಾಗಿದೆ. ಹೋಟೆಲ್ನಲ್ಲಿ ರೋಬಾಟ್ ಸರ್ವಿಸ್ ನೀಡಿದ್ದಿದೆ, ಈಗ ಬ್ಯಾಂಕಲ್ಲೂ ಸಹ ರೋಬಾಟ್ ಕಾಣಿಸಿಕೊಂಡಿದೆ.
ಕೇರಳದ ಸ್ಟಾರ್ಟ್ಅಪ್ ರೊಬೊಟಿಕ್ಸ್ ಕಂಪನಿ, ಮಂಜೂರಾದ ಸಾಲದ ದಾಖಲೆಗಳನ್ನು ಸ್ವೀಕರಿಸಲು ತನ್ನ ಸುಧಾರಿತ ರೋಬೋಟ್ ಸಿದ್ಧಪಡಿಸಿದೆ. ತಾವು ಸಾಲ ಮಂಜೂರಾದ ಬ್ಯಾಂಕಿಗೆ ಈ ರೋಬಾಟ್ ಅನ್ನು ಅಭಿವೃದ್ಧಿಪಡಿಸಿಕೊಟ್ಟು ಅಚ್ಚರಿ ಮೂಡಿಸಿದೆ.
ಇದೀಗ, ಅವರ ಔಟ್-ಆಫ್ ದಿ ಬಾಕ್ಸ್ ಪ್ರಯತ್ನವು ವೈರಲ್ ಆಗಿದ್ದು, ನೆಟ್ಟಿಗರು ತಮ್ಮ ಆಲೋಚನೆಗಳನ್ನು ಹರಿಯಬಿಟ್ಟಿದ್ದಾರೆ. ಅನಂತ್ ರೂಪನಗುಡಿ ಅವರು ಹಂಚಿಕೊಂಡ ಕ್ಲಿಪ್ನಲ್ಲಿ ಬ್ಯಾಂಕ್ ಅಧಿಕಾರಿಗಳಿಂದ ರೋಬಾಟ್ ದಾಖಲೆಗಳನ್ನು ಸ್ವೀಕರಿಸುವುದನ್ನು ತೋರಿಸುತ್ತದೆ.
ಎಲ್ಲರಿಗೂ ನಮಸ್ಕಾರ, ಇಂದು ಎರ್ನಾಕುಲಂ ಪ್ರೆಸ್ ಕ್ಲಬ್ನಲ್ಲಿ ನಿಮ್ಮೆಲ್ಲರನ್ನು ಭೇಟಿಯಾಗಲು ನನಗೆ ತುಂಬಾ ಸಂತೋಷವಾಗಿದೆ. ನಿಮ್ಮೆಲ್ಲರಿಗೂ ಮುಂಚಿತವಾಗಿ ಓಣಂ ಹಬ್ಬದ ಶುಭಾಶಯಗಳನ್ನು ಕೋರುತ್ತೇನೆ. ಫೆಡರಲ್ ಬ್ಯಾಂಕ್ ದೇಶೀಯ ತಂತ್ರಜ್ಞಾನ ಅಭಿವೃದ್ಧಿಯನ್ನು ಬೆಂಬಲಿಸಲು ಯಾವಾಗಲೂ ಇರುವುದಾಗಿ ಮತ್ತೊಮ್ಮೆ ಸಾಬೀತುಪಡಿಸಿದೆ. ನಮ್ಮ ಓಣಂ ಅನ್ನು ವರ್ಣರಂಜಿತಗೊಳಿಸಿದ್ದಕ್ಕಾಗಿ ಫೆಡರಲ್ ಬ್ಯಾಂಕ್ಗೆ ಧನ್ಯವಾದಗಳು. ಎಲ್ಲರಿಗೂ ಧನ್ಯವಾದಗಳು ಎಂದು ರೋಬೋಟ್ ಹೇಳುವುದು ಕೇಳಿಸುತ್ತದೆ.
ರೋಬೋಟಿಕ್ಸ್ ಕಂಪನಿಯ ಸಿಇಒ ಜಯಕೃಷ್ಣನ್ ಟಿ, ರೋಬೋಟ್ ಸಾಂಪ್ರದಾಯಿಕ ಹಾಡನ್ನು ಹಾಡುವ ಕ್ಲಿಪ್ ಅನ್ನು ಸಹ ಹಂಚಿಕೊಂಡಿದ್ದಾರೆ. ಅನೇಕ ಬಳಕೆದಾರರು ಆವಿಷ್ಕಾರವನ್ನು ಮೆಚ್ಚಿದರೆ ಕೆಲವರು ಮಾರ್ಕೆಟಿಂಗ್ ತಂತ್ರಗಳನ್ನು ಟೀಕಿಸಿದ್ದಾರೆ.
ರೋಬೋಟ್ಗಳ ವೀಡಿಯೊಗಳು ಸಾಮಾನ್ಯವಾಗಿ ಜಾಲತಾಣದಲ್ಲಿ ಗಮನ ಸೆಳೆಯುತ್ತವೆ. ಈ ವರ್ಷದ ಜನವರಿಯಲ್ಲಿ, ಯುವಕನೊಬ್ಬ ರೋಬೋಟ್ನೊಂದಿಗೆ ಬ್ಯಾಡ್ಮಿಂಟನ್ ಆಡುತ್ತಿರುವುದನ್ನು ತೋರಿಸುವ ವೀಡಿಯೊವು ವೈರಲ್ ಆಗಿತ್ತು.