ಕೆಲವು ವರ್ಷಗಳ ಹಿಂದೆ ಗುಲಾಬಿ ಆಂಖೇನ್ ಹಾಡಿದ ಪುಟ್ಟ ಮಗು ನಿಮಗೆ ನೆನಪಿದೆಯೇ? ಅವನ ವಿಡಿಯೋ ಆನ್‌ಲೈನ್‌ನಲ್ಲಿ ಭಾರಿ ವೈರಲ್ ಆಗಿತ್ತು. ಇಂಟರ್ನೆಟ್ ಪುಟ್ಟ ಬಾಲಕನನ್ನು ಬಹಳ ಇಷ್ಟಪಟ್ಟಿತು. ಈಗ ಆ ಪುಟ್ಟ ಪೋರ ಮತ್ತಷ್ಟು ಬೆಳೆದಿದ್ದಾನೆ. ಇದೀಗ ಆತನ ಮತ್ತೊಂದು ವಿಡಿಯೋ ಇಂಟರ್ನೆಟ್ ನಲ್ಲಿ ರೌಂಡಪ್ ಹೊಡೆಯುತ್ತಿದೆ.
ಹೌದು, ಇದೀಗ ಆ ಬಾಲಕ ʼಮೇರೆ ಮೆಹಬೂಬ್ ಕಯಾಮತ್ ಹೋಗಿʼ ಹಾಡನ್ನು ಹಾಡಿದ್ದಾನೆ. ಈ ವೈರಲ್ ವಿಡಿಯೋವನ್ನು ಐಎಎಸ್ ಅಧಿಕಾರಿ ಅವನೀಶ್ ಶರಣ್ ಟ್ವಿಟ್ಟರ್ ನಲ್ಲಿ ಹಂಚಿಕೊಂಡಿದ್ದಾರೆ. ಕಿರು ವಿಡಿಯೋದಲ್ಲಿ ಬಾಲಕ, ಮಿಸ್ಟರ್ ಎಕ್ಸ್ ಇನ್ ಬಾಂಬೆ ಚಿತ್ರದ ಪ್ರಸಿದ್ಧ ಹಾಡನ್ನು ಮಧುರವಾದ ಕಂಠದಲ್ಲಿ ಹಾಡಿದ್ದಾನೆ. ಕೀಬೋರ್ಡ್ ನುಡಿಸುತ್ತಾ ಹಾಡನ್ನು ಹಾಡಿದ್ದಾನೆ.
ಈ ವಿಡಿಯೋವನ್ನು ಹಂಚಿಕೊಂಡ ಅಧಿಕಾರಿ ಇದು ನನ್ನ ದಿನವನ್ನು ಸುಂದರವಾಗಿ ಮಾಡಿದೆ ಎಂದು ಪೋಸ್ಟ್‌ಗೆ ಶೀರ್ಷಿಕೆ ನೀಡಿದ್ದಾರೆ. ಈ ವಿಡಿಯೋ 50 ಸಾವಿರಕ್ಕೂ ಹೆಚ್ಚು ವೀಕ್ಷಣೆಗಳೊಂದಿಗೆ ವೈರಲ್ ಆಗಿದೆ. ಪ್ರತಿಭಾವಂತ ಬಾಲಕನ ಮಧುರವಾದ ಧ್ವನಿಯನ್ನು ನೆಟ್ಟಿಗರು ಇಷ್ಟಪಟ್ಟಿದ್ದಾರೆ.
Loading ...