ಚೆನ್ನೈ ಸೂಪರ್ ಕಿಂಗ್ಸ್ ನ ರವೀಂದ್ರ ಜಡೇಜಾ, ತಂಡ ಮತ್ತೊಮ್ಮೆ ಐಪಿಎಲ್ ಕಪ್ ಎತ್ತಿಹಿಡಿಯಲು ಕಾರಣಕರ್ತರಾಗಿದ್ದು ಗೆಲುವಿನ ಸಂಭ್ರಮದ ಭಾವನಾತ್ಮಕ ಕ್ಷಣವನ್ನು ಪತ್ನಿ ರಿವಾಬಾ ಅವರೊಂದಿಗೆ ಹಂಚಿಕೊಂಡರು.
15 ಓವರ್‌ಗಳಲ್ಲಿ 171 ರನ್ ಬೆನ್ನಟ್ಟಿದ ಚೆನ್ನೈ, ರುತುರಾಜ್ ಗಾಯಕ್ವಾಡ್ ಮತ್ತು ಡೆವೊನ್ ಕಾನ್ವೇ 74 ರನ್ ಗಳಿಸಿದ್ದರಿಂದ ಉತ್ತಮ ಆರಂಭವನ್ನು ಪಡೆಯಿತು. ಅಜಿಂಕ್ಯ ರಹಾನೆ ಮತ್ತು ಅಂಬಟಿ ರಾಯುಡು ಅವರಂತಹವರು ಸಿಎಸ್‌ಕೆಯನ್ನು ಗೆಲುವಿನ ದಡ ಸೇರಿಸಿದರು. ಆದರೆ ಕೊನೆಯ ಓವರ್‌ನಲ್ಲಿ 13 ರನ್‌ಗಳ ಅಗತ್ಯವಿದ್ದಾಗ, ಸಿಎಸ್‌ಕೆ ಮೊದಲ ನಾಲ್ಕು ಎಸೆತಗಳಲ್ಲಿ ಕೇವಲ ಮೂರು ರನ್ ಗಳಿಸಿತು.
ನಂತರ ಐದನೇ ಎಸೆತದಲ್ಲಿ ಜಡೇಜಾ ಒಂದು ಅದ್ಭುತ ಸಿಕ್ಸರ್‌ಗೆ ಹೊಡೆದರು ಮತ್ತು ಕೊನೆಯ ಎಸೆತದಲ್ಲಿ ಬೌಂಡರಿ ಹೊಡೆದರು. ಈ ವೇಳೆ ಕ್ರೀಡಾಂಗಣದ ತುಂಬಾ ಸಿಎಸ್ ಕೆ ಫ್ಯಾನ್ಸ್ ಸಂಭ್ರಮ ಮುಗಿಲುಮುಟ್ಟಿತ್ತು.
ಕೊನೆಯ ಎಸೆತವು ಬೌಂಡರಿಗೆ ಹೋದಾಗ ರಿವಾಬಾ ಜಡೇಜಾ ತನ್ನ ಪತಿ ಮತ್ತು ಅವರ ತಂಡವನ್ನು ಹುರಿದುಂಬಿಸುವ ವೇಳೆ ಭಾವನಾತ್ಮಕವಾಗಿ ಕಣ್ಣೀರು ಹಾಕಿದರು. ಕೊನೆಗೆ ಆನ್ ಫೀಲ್ಡ್ ಸಂಭ್ರಮ ಮುಗಿಯುತ್ತಿದ್ದಂತೆ ರವೀಂದ್ರ ಜಡೇಜಾ ಮತ್ತು ರಿವಾಬಾ ಜಡೇಜಾ ಗೆಲುವಿನ ಕ್ಷಣವನ್ನು ಆಚರಿಸುವ ಮೂಲಕ ಪರಸ್ಪರ ಅಪ್ಪಿಕೊಂಡರು.
Loading ...