ಮೌಂಟ್ ಎವರೆಸ್ಟ್ ಬೇಸ್ ಕ್ಯಾಂಪ್ ಹತ್ತಿ ಸಾಧನೆ ಮೆರೆದ 10 ವರ್ಷದ ಬಾಲಕಿ

ಮುಂಬೈ: ಅಪರೂಪದ ಸಾಧನೆಯೊಂದರಲ್ಲಿ, ಮುಂಬೈನ 10 ವರ್ಷದ ಸ್ಕೇಟರ್ ರಿದಮ್ ಮಮಾನಿಯಾ ಅವರು 11 ದಿನಗಳಲ್ಲಿ ಎವರೆಸ್ಟ್ ಬೇಸ್ ಕ್ಯಾಂಪ್ ಅನ್ನು ಏರಿದ್ದಾರೆ. ಈ ಮೂಲಕ ಇದನ್ನು ಏರಿದ ಅತ್ಯಂತ ಕಿರಿಯ ಭಾರತೀಯ ಪರ್ವತಾರೋಹಿಗಳಲ್ಲಿ ಒಬ್ಬರಾಗಿದ್ದಾರೆ.

ಮುಂಬೈನ ಉಪನಗರ ಬಾಂದ್ರಾದ ಎಂಇಟಿ ರಿಷಿಕುಲ್ ವಿದ್ಯಾಲಯದ 5ನೇ ತರಗತಿ ವಿದ್ಯಾರ್ಥಿನಿ ರಿದಮ್, ಮೇ 6 ರಂದು ಮಧ್ಯಾಹ್ನ 1 ಗಂಟೆಗೆ ಎವರೆಸ್ಟ್ ಬೇಸ್ ಕ್ಯಾಂಪ್ ತಲುಪಿದ್ದಾರೆ. ಬೇಸ್ ಕ್ಯಾಂಪ್ 5,364 ಮೀಟರ್‌ ಎತ್ತರದಲ್ಲಿದ್ದು, ಇದನ್ನು ಪೂರ್ಣಗೊಳಿಸಲು ಅವರು 11 ದಿನಗಳನ್ನು ತೆಗೆದುಕೊಂಡಿದ್ದಾರೆ.

ಐದನೇ ವಯಸ್ಸಿನಿಂದಲೂ ರಿದಮ್ ಪರ್ವತಗಳನ್ನು ಹತ್ತುವುದನ್ನು ಇಷ್ಟಪಡುತ್ತಿದ್ದರು. ಅವರ ಮೊದಲ ಸುದೀರ್ಘ ಚಾರಣವು 21 ಕಿ.ಮೀ. ದೂದ್ ಸಾಗರ್ ಆಗಿತ್ತು. ಅಂದಿನಿಂದ ಅವರು ಮಾಹುಲಿ, ಸೊಂಡೈ, ಕರ್ನಾಲಾ ಮತ್ತು ಲೋಹಗಡ್‌ನಂತಹ ಸಹ್ಯಾದ್ರಿ ಶ್ರೇಣಿಗಳಲ್ಲಿ ಕೆಲವು ಶಿಖರಗಳನ್ನು ಏರಿದ್ದಾರೆ.

ಬೇಸ್ ಕ್ಯಾಂಪ್ ಚಾರಣದ ಸಮಯದಲ್ಲಿ ರಿದಮ್ ವಿವಿಧ ಹವಾಮಾನ ಪರಿಸ್ಥಿತಿಗಳಲ್ಲಿ ವಿವಿಧ ಕಡಿದಾದ ಭೂಪ್ರದೇಶಗಳಲ್ಲಿ 8-9 ಗಂಟೆಗಳ ಕಾಲ ನಡೆದಿದ್ದಾರೆ. ಚಳಿ ವಾತಾವರಣವು ಮೈನಸ್ 10 ಡಿಗ್ರಿ ಸೆಲ್ಸಿಯಸ್‌ಗಿಂತಲೂ ಕಡಿಮೆ ತಾಪಮಾನದಲ್ಲಿಯೂ ನಡೆದಿದ್ದಾರೆ.