ಹಂದಿಯಂತೆ ಮೈ ಬೆಳೆಸಿದ್ದೀಯಾ, ಏನಕ್ಕೂ ಪ್ರಯೋಜನವಿಲ್ಲವೆಂದು ಸಾಮಾನ್ಯವಾಗಿ ಎಲ್ಲರೂ ಬೈತಾರೆ. ಆದ್ರೆ ಪಿಗ್ಕಾಸೊ ಹಂದಿ ಎಲ್ಲರ ಗಮನ ಸೆಳೆದಿದೆ. ಹಂದಿ ಬಿಡಿಸಿದ ಚಿತ್ರವೊಂದು 2.36 ಲಕ್ಷ ರೂಪಾಯಿಗೆ ಮಾರಾಟವಾಗಿದೆ. ಈ ಹಂದಿ, ಬ್ರಿಟನ್ ರಾಜಕುಮಾರ ಹ್ಯಾರಿಯ ಚಿತ್ರ ಬಿಡಿಸಿತ್ತು. ಅದನ್ನು ಸ್ಪೇನ್‌ನ ವ್ಯಕ್ತಿಯೊಬ್ಬರು 2.36 ಲಕ್ಷ ರೂಪಾಯಿಗೆ ಖರೀದಿಸಿದ್ದಾರೆ.
ಪಿಗ್ಕಾಸೊ ವಯಸ್ಸು 4 ವರ್ಷ. ಪಿಗ್ಕಾಸೊ ಈವರೆಗೆ ಸಾವಿರಾರು ಚಿತ್ರಗಳನ್ನು ಬಿಡಿಸಿದೆ. ಇದ್ರ ಮಾಲಿಕಳ ಹೆಸರು ಜೊವಾನ್ನೆ ಲೆಫ್ಸನ್. ಪಿಗ್ಕಾಸೊ ದಕ್ಷಿಣ ಆಫ್ರಿಕಾದ ನಿವಾಸಿ. ಹಂದಿ ಗಳಿಕೆಯನ್ನು ಜೊವಾನ್ನೆ, ಫಾರ್ಮ್ ನಲ್ಲಿರುವ ಉಳಿದ ಪ್ರಾಣಿಗಳಿಗೆ ಖರ್ಚು ಮಾಡ್ತಾಳೆ.
2 ಲಕ್ಷ ರೂಪಾಯಿಗೆ ಮಾರಾಟವಾದ ಚಿತ್ರವನ್ನು ಪಿಗ್ಕಾಸೊ ಕೆಲವೇ ನಿಮಿಷದಲ್ಲಿ ತಯಾರಿಸಿತ್ತು. ಸ್ಪೇನ್ ನಲ್ಲಿರುವ ಪಿಗ್ಕಾಸೊ ಅಭಿಮಾನಿ ಇದನ್ನು ಖರೀದಿ ಮಾಡಿದ್ದಾರೆಂದು ಜೊವಾನ್ನೆ ಹೇಳಿದ್ದಾರೆ. ಇದಕ್ಕೂ ಮೊದಲು ಪಿಗ್ಕಾಸೊ, ಬ್ರಿಟನ್ ರಾಣಿಯ ಚಿತ್ರ ಬಿಡಿಸಿತ್ತು. ಅದು 2 ಲಕ್ಷ ರೂಪಾಯಿಗೆ ಮಾರಾಟವಾಗಿತ್ತು. ಈ ಹಂದಿಯನ್ನು ಕಸಾಯಿ ಖಾನೆಯಿಂದ ತರಲಾಗಿತ್ತು. ಈ ಹಂದಿ ಈವರೆಗೆ 50 ಲಕ್ಷಕ್ಕಿಂತಲೂ ಹೆಚ್ಚು ಸಂಪಾದನೆ ಮಾಡಿದೆ.
Loading ...