PPF ನಲ್ಲಿ ಹಣ ಹೂಡಿಕೆ ಮಾಡಿದ್ದೀರಾ ? ಹಾಗಾದ್ರೆ ನಿಮಗೆ ಸಿಗಬಹುದು 3 ಲಕ್ಷ ರೂಪಾಯಿವರೆಗಿನ ಲಾಭ

2023ರ ಕೇಂದ್ರ ಬಜೆಟ್ ಬಗ್ಗೆ ಜನರು ವಿಭಿನ್ನ ನಿರೀಕ್ಷೆಗಳನ್ನು ಹೊಂದಿದ್ದಾರೆ. ಸಾರ್ವಜನಿಕ ಭವಿಷ್ಯ ನಿಧಿ (ಪಿಪಿಎಫ್) ಹೂಡಿಕೆಯ ಮೊತ್ತವನ್ನು ಹೆಚ್ಚಿಸುವ ಬೇಡಿಕೆಯೂ ಇವುಗಳಲ್ಲೊಂದು.

ಸರ್ಕಾರಕ್ಕೆ ಸಲ್ಲಿಸಿದ ಪೂರ್ವ-ಬಜೆಟ್ ಮೆಮೊರೆಂಡಮ್‌ನಲ್ಲಿ ಐಸಿಎಐ, ಪಿಪಿಎಫ್‌ನಲ್ಲಿ ಹೂಡಿಕೆಯ ಮಿತಿಯನ್ನು ಈಗಿರುವ 1.5 ಲಕ್ಷದಿಂದ ವಾರ್ಷಿಕ 3 ಲಕ್ಷ ರೂಪಾಯಿಗೆ ಏರಿಸಬೇಕು ಎಂದು ಒತ್ತಾಯಿಸಿದೆ.

ಯೋಜನೆಯಲ್ಲಿ ಒಟ್ಟಾರೆ ಹೂಡಿಕೆಯ ಹೆಚ್ಚಳ ಮತ್ತು ಅದರ ಜನಪ್ರಿಯತೆಯ ಹೊರತಾಗಿಯೂ, ಕಳೆದ ಹಲವಾರು ವರ್ಷಗಳಿಂದ PPF ಹೂಡಿಕೆಯ ಮಿತಿಯನ್ನು ಹೆಚ್ಚಿಸಿಲ್ಲ. ಯೋಜನೆಯ ಮೂಲಕ ನೀಡಲಾಗುವ ಮೂರು ತೆರಿಗೆ ಪ್ರಯೋಜನಗಳು PPF ಹೂಡಿಕೆದಾರರನ್ನು ಆಕರ್ಷಿಸುತ್ತವೆ. PPF ನಲ್ಲಿ 1.5 ಲಕ್ಷದವರೆಗಿನ ಹೂಡಿಕೆಯು ಸೆಕ್ಷನ್ 80C ಅಡಿಯಲ್ಲಿ ತೆರಿಗೆ ವಿನಾಯಿತಿಗೆ ಅರ್ಹವಾಗಿದೆ. ಗಳಿಸಿದ ಬಡ್ಡಿ ಮತ್ತು ಮುಕ್ತಾಯದ ಸಮಯದಲ್ಲಿ ಹಿಂತೆಗೆದುಕೊಳ್ಳುವ ಮೊತ್ತದ ಮೇಲೆ ಯಾವುದೇ ತೆರಿಗೆ ಇರುವುದಿಲ್ಲ.

ICAI ಏಕೆ PPF ಮಿತಿಯಲ್ಲಿ ಬದಲಾವಣೆ ಬಯಸುತ್ತದೆ ?

ICAI ಪ್ರಕಾರ, PPF ಕೊಡುಗೆಯ ಮಿತಿಯನ್ನು ಹೆಚ್ಚಿಸುವುದರಿಂದ ಮನೆಯ ಉಳಿತಾಯವನ್ನು ಉತ್ತೇಜಿಸಬಹುದು ಮತ್ತು ಖಾತೆದಾರರಿಗೆ ಇದು ಪ್ರಯೋಜನವನ್ನು ನೀಡುತ್ತದೆ. ಪಿಪಿಎಫ್ ಅನ್ನು ಉದ್ಯಮಿಗಳು ಮತ್ತು ವೃತ್ತಿಪರರು ಉಳಿತಾಯದ ಸಾಧನವಾಗಿ ಬಳಸುತ್ತಾರೆ. ಉದ್ಯೋಗದಲ್ಲಿರುವಾಗ ಒಬ್ಬರ ಸಂಬಳದಲ್ಲಿ ಶೇ.12ರಷ್ಟನ್ನು ಉಳಿಸುವ ಜವಾಬ್ದಾರಿ ಇರುತ್ತದೆ. ಪಿಪಿಎಫ್ ಸ್ವಯಂ ಉದ್ಯೋಗಿಗಳಿಗೆ ಲಭ್ಯವಿರುವ ಏಕೈಕ ಸುರಕ್ಷಿತ ಮತ್ತು ತೆರಿಗೆ-ಸಮರ್ಥ ಉಳಿತಾಯ ಆಯ್ಕೆಯಾಗಿದೆ. ಆದ್ದರಿಂದ ಪಿಪಿಎಫ್ ಕೊಡುಗೆ ಮಿತಿಯನ್ನು 3 ಲಕ್ಷಕ್ಕೆ ಏರಿಸಬೇಕೆಂಬುದು ಬಹುದಿನಗಳ ಬೇಡಿಕೆ.

ಒಟ್ಟು ದೇಶೀಯ ಉತ್ಪನ್ನದ (ಜಿಡಿಪಿ) ಶೇಕಡಾವಾರು ಮನೆಯ ಉಳಿತಾಯವನ್ನು ಹೆಚ್ಚಿಸಬಹುದು ಮತ್ತು ಹಣದುಬ್ಬರ ವಿರೋಧಿ ಪರಿಣಾಮವನ್ನು ಇದು ಹೊಂದಿರುತ್ತದೆ. ಪರಿಷ್ಕೃತ ವಿತ್ತೀಯ ಮಿತಿಯು ಜನರ ಉಳಿತಾಯವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ ಮತ್ತು ಹಣದುಬ್ಬರದ ದರವನ್ನು ಗಮನದಲ್ಲಿಟ್ಟುಕೊಂಡರೆ ಇದು ಅವಶ್ಯಕವಾಗಿದೆ. ICAI ತನ್ನ 2022ರ ಪೂರ್ವ-ಬಜೆಟ್ ಮೆಮೊರೆಂಡಮ್‌ನಲ್ಲಿ PPF ಹೂಡಿಕೆಯ ಮಿತಿಯನ್ನು ಹೆಚ್ಚಿಸುವಂತೆ ಸೂಚಿಸಿತ್ತು.  ಆದರೆ ಕೇಂದ್ರ ಈ ಸಲಹೆಯನ್ನು ಸ್ವೀಕರಿಸಲಿಲ್ಲ. ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು 2023ರ ಫೆಬ್ರವರಿ 1ರಂದು ಬಜೆಟ್ ಮಂಡಿಸುವ ನಿರೀಕ್ಷೆಯಿದೆ. ಆರ್ಥಿಕ ಸಮೀಕ್ಷೆ 2022-23 ಅನ್ನು ಜನವರಿ 31 ರಂದು ಮಂಡಿಸಬಹುದು.