Shocking Video | ಕಾರಿನೊಳಗೆಯೇ ಲಾಕ್ ಆದ ಶ್ವಾನ: ಉಸಿರುಗಟ್ಟಿ ವಿಲವಿಲನೆ ಒದ್ದಾಡಿ ಅಲ್ಲೇ ಸಾವು 05-07-2023 9:30AM IST / No Comments / Posted In: Latest News, India, Live News ತಾಜ್ಮಹಲ್ ನೋಡ್ತಿದ್ರೆ ಯಾರು ತಾನೆ ಕಳೆದು ಹೋಗಲ್ಲ ಹೇಳಿ. ಇಲ್ಲೊಬ್ಬ ಮಹಾಶಯ ತಾಜ್ಮಹಲ್ ನೋಡೋ ಖುಷಿಯಲ್ಲಿ ತನ್ನ ಮುದ್ದಿನ ಶ್ವಾನದ ಸಾವಿಗೆ ಕಾರಣವಾಗಿದ್ದಾರೆ. ಅಸಲಿಗೆ ಗೆಳೆಯರೊಂದಿಗೆ ತಾಜ್ಮಹಲ್ ನೋಡುವುದಕ್ಕೆ ಹೋದ ವ್ಯಕ್ತಿ ಕಾರ್ನಲ್ಲೇ ಮುದ್ದಿನ ನಾಯಿಯನ್ನ ಲಾಕ್ ಮಾಡಿಟ್ಟು ಹೋಗಿದ್ದಾನೆ. ಇದರ ಪರಿಣಾಮ ಆ ಶ್ವಾನ ಉಸಿರುಗಟ್ಟಿ ಕಾರಿನೊಳಗೆ ಪ್ರಾಣ ಬಿಟ್ಟಿದೆ. ಹರ್ಯಾಣದ ಇಬ್ಬರು ಯುವಕರು, ಇಬ್ಬರು ಯುವತಿಯರ ಸ್ನೇಹಿತರ ಗುಂಪು ಆಗ್ರಾದ ತಾಜ್ಮಹಲ್ ನೋಡಲು ಹೋಗಿದ್ದಾರೆ. ಹೋಗುವಾಗ ತಮ್ಮ ಜೊತೆ ತಮ್ಮ ಮುದ್ದಿನ ನಾಯಿಯನ್ನ ತೆಗೆದುಕೊಂಡು ಹೋಗಿದ್ದಾರೆ. ತಾಜ್ಮಹಲ್ ಬಳಿ ಪ್ರಾಣಿಗಳನ್ನ ತೆಗೆದುಕೊಂಡು ಹೋಗುವುದು ನಿಷೇಧಿಸಲಾಗಿದೆ. ಆದ್ದರಿಂದ ಇವರು ಕಾರಿನ ಹಿಂದಿನ ಕಿಟಕಿಯನ್ನ ಕೊಂಚ ತೆರೆದಿಟ್ಟು ಹೋಗಿದ್ದಾರೆ. ಆದರೆ ನಾಯಿಯ ಕುತ್ತಿಗೆಯ ಪಟ್ಟಿ ಹ್ಯಾಂಡ್ ಬ್ರೇಕ್ಗೆ ಸಿಕ್ಕಾಕಿಕೊಂಡಿದೆ. ಆಗ ಆ ನಾಯಿ ಹೊರಗೆ ಬರಲು ಪ್ರಯತ್ನಿಸಿದೆ. ಅದು ಸಾಧ್ಯವಾಗದೇ ಹೋದಾಗ ಅಲ್ಲೇ ಒದ್ದಾಡಿ ಕೊನೆಯುಸಿರೆಳೆದಿದೆ. ಈ ಘಟನೆಯ ವಿಡಿಯೋವನ್ನ ಪ್ರವಾಸಿಗರೊಬ್ಬರು ತಮ್ಮ ಮೊಬೈಲ್ನಲ್ಲಿ ರೆಕಾರ್ಡ್ ಮಾಡಿಕೊಂಡಿದ್ದಾರೆ. ಅದನ್ನ ಸೊಶಿಯಲ್ ಮೀಡಿಯಾದಲ್ಲಿ ಅಪ್ಲೋಡ್ ಕೂಡ ಮಾಡಿದ್ದಾರೆ. ಈ ವಿಡಿಯೋ ನೋಡಿ ನೆಟ್ಟಿಗರು ಶ್ವಾನದ ಮಾಲೀಕರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. Tourist from Haryana came to Agra visit Taj Mahal Tourist had brought a pet dog with him, Parked car in Westgate parking Taj, locked dog in car and went to visit Taj,Dog locked in a car for several hours in humid heat broke its breath @Uppolice @agrapolice pic.twitter.com/uUjm37ZpKu — Amir qadri (@AmirqadriAgra) July 2, 2023