ಈ ಸುಂದರ ಮನೆಯಲ್ಲಿ ವಾಸಿಸಲು ಸಿಗುತ್ತೆ ಹಣ..!

ಒಳ್ಳೆಯ ಕೆಲಸ, ಐಷಾರಾಮಿ ಮನೆ, ಓಡಾಡಲು ವಾಹನ ಇರಬೇಕೆಂದು ಎಲ್ಲರೂ ಬಯಸ್ತಾರೆ.ಇದಕ್ಕಾಗಿ ಹಗಲಿರುಳು ಕಷ್ಟಪಡ್ತಾರೆ. ಆದ್ರೆ ಅನೇಕರಿಗೆ ಕನಸು ನನಸು ಮಾಡಲು ಸಾಧ್ಯವಾಗುವುದಿಲ್ಲ.

ಐಷಾರಾಮಿ ಮನೆ ಬಾಡಿಗೆ ಪಡೆಯುವುದೂ ಅನೇಕರಿಗೆ ಕಷ್ಟ. ಹೀಗಿರುವಾಗ, ಎಲ್ಲ ಐಷಾರಾಮಿ ಸೌಲಭ್ಯವಿರುವ ಮನೆಯಲ್ಲಿ ವಾಸಿಸಲು ಅವಕಾಶ ಸಿಕ್ಕಿದ್ರೆ ಯಾರು ಬೇಡ ಅಂತಾರೆ. ಯುಕೆಯ ಒಂದು ಕಂಪನಿ ಇಂಥ ಅವಕಾಶ ನೀಡ್ತಿದೆ.

ಯುಕೆಯ ಕಂಪನಿಯೊಂದು ಐಷಾರಾಮಿ ಮನೆಯ ಉಸ್ತುವಾರಿ ನೋಡಿಕೊಳ್ಳುವ ಉದ್ಯೋಗಿಗಳ ಹುಡುಕಾಟ ನಡೆಸುತ್ತಿದೆ. ಐಷಾರಾಮಿ ಮನೆ, ಈಜುಕೊಳ, ಖಾಸಗಿ ಜಿಮ್ ಮತ್ತು ಕ್ರೀಡಾ ಸೌಲಭ್ಯಗಳನ್ನು ಉದ್ಯೋಗಿಗೆ ನೀಡುವ ಜೊತೆಗೆ 500 ಪೌಂಡ್ ವೇತನವನ್ನು ನೀಡುತ್ತದೆ. ಇದನ್ನು ವಿಶ್ವದ ಅತ್ಯುತ್ತಮ ಉದ್ಯೋಗವೆಂದು ಪರಿಗಣಿಸಲಾಗಿದೆ.

ಆಸಕ್ತಿಯುಳ್ಳವರು ಸೆಪ್ಟೆಂಬರ್ 13 ರವರೆಗೆ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು. ಇದರಲ್ಲಿ ಆಯ್ಕೆಯಾದ ವ್ಯಕ್ತಿಗೆ ಈ ಭವನವನ್ನು ಸೆಪ್ಟೆಂಬರ್ 21 ಮತ್ತು 23 ರ ನಡುವೆ ನೀಡಲಾಗುತ್ತದೆ. ಈ ಭವನವು ಎಂಟು ಮಲಗುವ ಕೋಣೆಗಳು, ಉದ್ಯಾನವನ, ಖಾಸಗಿ ಪೂಲ್, ಹಾಟ್-ಟಬ್, ಟ್ರೀಹೌಸ್, ಆಟದ ಮೈದಾನ, ಜಿಮ್ ಮತ್ತು ಆಟಗಳ ಕೊಠಡಿ ಜೊತೆಗೆ ಏಳು ಸ್ನಾನಗೃಹಗಳನ್ನು ಹೊಂದಿದೆ.