ಲಸಿಕೆ ತುಂಬದೆ ಸಿರಿಂಜ್​​ ಇಂಜೆಕ್ಟ್‌ ಮಾಡಿದ ನರ್ಸ್​: ವೈರಲ್​ ಆಯ್ತು ಬೆಚ್ಚಿಬೀಳಿಸುವ ವಿಡಿಯೋ..!

ದೇಶದಲ್ಲಿ ಕೊರೊನಾ ಲಸಿಕೆಯ ಅಭಿಯಾನ ಭರದಿಂದ ಸಾಗಿದೆ. ಈ ನಡುವೆ ಬಿಹಾರದ ನರ್ಸ್ ಒಬ್ಬರು ಸಿರಿಂಜ್​ ತುಂಬಿಸದೇ ವ್ಯಕ್ತಿಗೆ ಲಸಿಕೆ ನೀಡಿದಂತೆ ನಾಟಕ ಮಾಡಿದ್ದು, ಈ ವಿಡಿಯೋ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿದೆ.

ಈ ವಿಡಿಯೋದಲ್ಲಿ ನರ್ಸ್​ ಖಾಲಿ ಸಿರಿಂಜ್​ ಹಿಡಿದು ಇಂಜೆಕ್ಷನ್​ ನೀಡಿರೋದು ಸ್ಪಷ್ಟವಾಗಿ ಗೋಚರವಾಗಿದೆ. ಜೂನ್​ 21ನೇ ತಾರೀಖಿನಂದು ಬಿಹಾರದ ಛಾಪ್ರಾ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ. ಆದರೆ ಈ ವಿಡಿಯೋ ತಡವಾಗಿ ಬೆಳಕಿಗೆ ಬಂದಿದೆ.

48 ವರ್ಷದ ನರ್ಸ್​ ಚಂದ ಕುಮಾರಿ ಜನರ ಜೊತೆ ಮಾತನಾಡುತ್ತಾ ಸಿರಿಂಜ್ ​ನ್ನು ಕೈಗೆ ತೆಗೆದುಕೊಳ್ತಾರೆ. ಇದಕ್ಕೆ ಲಸಿಕೆಯನ್ನ ತುಂಬದೇ ವ್ಯಕ್ತಿಗೆ ಇಂಜೆಕ್ಷನ್​ ನೀಡಿದ್ದಾರೆ.

20 ವರ್ಷದ ಅಝರ್​ ಈ ವಿಚಾರದ ಬಗ್ಗೆ ಮಾತನಾಡಿದ್ದು, ಪ್ಲಾಸ್ಟಿಕ್​ ಕವರ್​ನಿಂದ ಸಿರಿಂಜ್ ​​ನ್ನು ಹೊರತೆಗೆದ ನರ್ಸ್​ ಅದರಲ್ಲಿ ಲಸಿಕೆಯನ್ನ ತುಂಬದೇ ನನಗೆ ಇಂಜೆಕ್ಟ್​ ಮಾಡಿದ್ದಾರೆ ಎಂದು ಹೇಳಿದ್ದಾರೆ.

ಅಜರ್ ಸ್ನೇಹಿತ ಈ ವಿಡಿಯೋ ಚಿತ್ರೀಕರಿಸಿದ್ದು ವಿಡಿಯೋ ನೋಡಿದ ಬಳಿಕ ಅಜರ್ ಶಾಕ್​ ಆಗಿದ್ದಾರೆ. ಈ ವಿಡಿಯೋ ಇದೀಗ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿದೆ.

https://twitter.com/optimusprime699/status/1408056023470927876?ref_src=twsrc%5Etfw%7Ctwcamp%5Etweetembed%7Ctwterm%5E1408056023470927876%7Ctwgr%5E%7Ctwcon%5Es1_&ref_url=https%3A%2F%2Fwww.news18.com%2Fnews%2Fbuzz%2Fnurse-giving-empty-jab-to-man-in-bihars-covid-19-vaccine-center-stirs-row-video-goes-viral-3891299.html