ನೋಕಿಯಾ ಹೊಸ ಫೋನ್ ಬಿಡುಗಡೆ; ಈ ಫೋನ್ ವೈಶಿಷ್ಟ್ಯತೆ ಕೇಳಿದ್ರೆ ನೀವು ಬೆರಗಾಗೋದು ಗ್ಯಾರಂಟಿ..!

ಫೋನ್ ಅಂದ್ರೆ ಥಟ್ ಅಂತ ನೆನಪಿಗೆ ಬರೋದೆ ನೋಕಿಯಾ. ಮೊದಲು ನೋಕಿಯಾ ಫೋನ್ ಬಂದಾಗ ಅದರ ವೈಶಿಷ್ಟ್ಯಗಳೇ ಎಲ್ಲರನ್ನು ಗಮನ ಸೆಳೆದಿದ್ದು. ಇಂದು ಎಷ್ಟೇ ಹೊಸ ಫೀಚರ್ ಫೋನ್ ಗಳು ಬಂದರೂ ನೋಕಿಯಾದಂತಹ ಕಿಕ್ ಮತ್ತೊಂದಿಲ್ಲ. ಇದೀಗ ಅಂಥಹದ್ದೇ ನೋಕಿಯಾ ವರ್ಷನ್ ಒಂದು ಬಿಡುಗಡೆಯಾಗಿದ್ದು ಎಲ್ಲರ ಗಮನ ಸೆಳೆಯುತ್ತಿದೆ.

ಹೌದು, ನೋಕಿಯಾದ ಹೊಸ 4ಜಿ ಫೀಚರ್ ನ ಮೊಬೈಲ್ ಒಂದು ಬಿಡುಗಡೆಯಾಗಿದೆ. ಐಕಾನಿಕ್ ಮ್ಯೂಸಿಕ್ ಪ್ಲೇಯರ್ ಆಗಿದ್ದ 5710 ಇದೀಗ ಹೊಸ ರೂಪ ಹಾಗೂ ಫೀಚರ್ ನೊಂದಿಗೆ ಬಂದಿದೆ. ಸಂಗೀತ ಪ್ರಿಯರಿಗಾಗಿಯೇ ಈ ಮೊಬೈಲ್ ಬಂದಿರೋದು ಎಂದು ಹೇಳಲಾಗುತ್ತಿದೆ. ಇದು ಸೆ.19 ರಿಂದ ಆನ್ ಲೈನ್ ಹಾಗೂ ಮಳಿಗೆಗಳಲ್ಲಿ ಸಿಗಲಿದೆ.

ಇನ್ನು ಈ ಮೊಬೈಲ್ ನ ವಿನ್ಯಾಸ ನೋಡೋದಾದ್ರೆ, ಇದು ಹಳೆಯ ಮಾದರಿಯ ಕೀಪ್ಯಾಡ್ ರೀತಿ ಇದೆ. ಜೊತೆಗೆ ವೈರ್ ಲೆಸ್ ಸ್ಟಿರಿಯೋ ಇಯರ್ ಬಡ್ ಕೂಡ ಇದರಲ್ಲಿ ಇರಲಿದೆ. ಇದನ್ನು ಮೊಬೈಲ್ ನಲ್ಲಿಯೇ ಇಡಬಹುದಾದ ಅನುಕೂಲ ಮಾಡಿದ್ದಾರೆ. ಈ ಇಯರ್ ಬಡ್ ಅನ್ನು ಮೊಬೈಲ್ ನ ಹಿಂಬದಿ ಇಟ್ಟುಕೊಳ್ಳಲು ಜಾಗ ಇದೆ. 1450 ಎಮ್ ಎಚ್ ಬ್ಯಾಟರಿ ಅಳವಡಿಕೆ ಇದೆ. ಬಿಳಿ, ಕೆಂಪು, ಕಪ್ಪು ಬಣ್ಣದಲ್ಲಿ ಈ ಮೊಬೈಲ್ ಸಿಗಲಿದೆ. ಇನ್ನು ಈ ಮೊಬೈಲ್ ನ ದರ ಕೂಡ ಕೈಗೆಟಕುವಂತೆಯೇ ಇದೆ. ಕೇವಲ 4,999 ರೂ. ಗಳಿಗೆ ಈ ಮೊಬೈಲ್ ಲಭ್ಯವಾಗಲಿದೆ.