ಭಾರತದ ಅಥ್ಲೀಟ್ ದಿಗ್ಗಜ, ಫ್ಲೈಯಿಂಗ್ ಸಿಂಗ್ ಖ್ಯಾತಿಯ ಮಿಲ್ಖಾ ಸಿಂಗ್ ಕಳೆದ ಶುಕ್ರವಾರ ಕೊರೊನಾದಿಂದಾಗಿ ಸಾವನ್ನಪ್ಪಿದ್ದರು. ಈ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದಂತೆಯೇ ಅನೇಕರು ತಮ್ಮದೇ ಆದ ರೀತಿಯಲ್ಲಿ ಫ್ಲೈಯಿಂಗ್ ಸಿಖ್ಗೆ ಅಂತಿಮ ನಮನ ಸಲ್ಲಿಸಿದ್ದಾರೆ.
ಅಲ್ಲದೇ ಮಿಲ್ಖಾ ಸಿಂಗ್ರ ನಿಧನದ ವಾರ್ತೆ ಕೇಳಿದ ಬಳಿಕ ಅವರ ಆತ್ಮಕಥೆ ಆಧಾರಿತ ಸಿನಿಮಾ ʼಭಾಗ್ ಮಿಲ್ಖಾ ಭಾಗ್ʼ ಸಿನಿಮಾವನ್ನ ಮತ್ತೆ ವೀಕ್ಷಿಸಿದ್ದಾರೆ. ಈ ಸಿನಿಮಾದಲ್ಲಿ ಬಾಲಿವುಡ್ ನಟ ಫರ್ಹಾನ್‌ ಅಖ್ತರ್ ಮಿಲ್ಖಾ ಸಿಂಗ್ರ ಪಾತ್ರವನ್ನ ನಿರ್ವಹಿಸಿದ್ದರು.
ನೋಯ್ಡಾದ ಸ್ಟೇಡಿಯಂ ಒಂದರಲ್ಲಿ ಮಿಲ್ಖಾ ಸಿಂಗ್ರಿಗೆ ಅಂತಿಮ ನಮನ ಸಲ್ಲಿಸುವ ಸಲುವಾಗಿ ಫರ್ಹಾನ್‌ ಅಖ್ತರ್ ಮಿಲ್ಖಾ ಸಿಂಗ್ ಪಾತ್ರ ನಿರ್ವಹಿಸಿರುವ ಫೋಟೋವನ್ನೇ ಕಟೌಟ್ ಮಾಡಿ ಹಾಕಲಾಗಿದೆ.
ಈ ಫೋಟೋವನ್ನ ಸೋಶಿಯಲ್ ಮೀಡಿಯಾದಲ್ಲಿ ಪತ್ರಕರ್ತೆ ಅನಿಷಾ ದತ್ತಾ ಶೇರ್ ಮಾಡಿದ್ದಾರೆ. ಈ ಫೋಟೋ ಶೇರ್ ಮಾಡಿರುವ ಅನಿಷಾ, ನೋಯ್ಡಾ ಅಥಾರಿಟಿ ದಯಮಾಡಿ ಫರ್ಹಾನ್‌ ಅಖ್ತರ್ರ ಫೋಟೋವನ್ನ ತೆರವುಗೊಳಿಸಿ ಮಿಲ್ಖಾ ಸಿಂಗ್ರ ಫೋಟೋವನ್ನ ಹಾಕುವಂತೆ ಶೀರ್ಷಿಕೆಯಲ್ಲಿ ಮನವಿ ಮಾಡಿದ್ದಾರೆ. ಈ ಫೋಟೋ ಟ್ವಿಟರ್ ಸೇರಿದಂತೆ ಸಾಮಾಜಿಕ ಜಾಲತಾಣದ ವಿವಿಧ ವೇದಿಕೆಗಳಲ್ಲಿ ವೈರಲ್ ಆಗಿದೆ. ಈ ರೀತಿಯಲ್ಲಿ ಅಂತಿಮ ನಮನ ಸಲ್ಲಿಸುವ ಮೂಲಕ ನೋಯ್ಡಾ, ಅಥ್ಲೀಟ್ ದಿಗ್ಗಜನಿಗೆ ಅವಮಾನ ಎಸಗಿದೆ ಎಂದು ನೆಟ್ಟಿಗರು ಅಭಿಪ್ರಾಯ ಹೊರಹಾಕಿದ್ದಾರೆ.
Loading ...