ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿರುವ ವಿಡಿಯೋ ಒಂದರಲ್ಲಿ ತೆಲಂಗಾಣ ಸಿಎಂ ಕೆ. ಚಂದ್ರಶೇಖರ್ ರಾವ್ ಕಟ್ಟಡ ಉದ್ಘಾಟನೆ ಕಾರ್ಯಕ್ರಮ ಒಂದರಲ್ಲಿ ಕತ್ತರಿ ಸಿಗದೇ ಪರದಾಡಿದ ಸನ್ನಿವೇಶ ನಡೆದಿದೆ.
ಸಮುದಾಯ ವಸತಿ ಕಟ್ಟಡ ಉದ್ಘಾಟನೆ ಮಾಡಲು ಆಗಮಿಸಿದ ಸಿಎಂಗೆ ಕತ್ತರಿ ನೀಡುವಲ್ಲಿ ಕಾರ್ಯಕ್ರಮದ ಆಯೋಜಕರು ವಿಫಲರಾದ ಹಿನ್ನೆಲೆ ರಿಬ್ಬನ್ ಹರಿದು ಕಟ್ಟಡದ ಒಳಕ್ಕೆ ಹೋಗಿದ್ದಾರೆ.
ಸಿಎಂ ಜೊತೆ ಸಾಕಷ್ಟು ಮಂದಿ ನಿಂತಿರೋದನ್ನೂ ಸಹ ವಿಡಿಯೋದಲ್ಲಿ ಕಾಣಬಹುದಾಗಿದೆ. ಎಲ್ಲರೂ ಕತ್ತರಿಗಾಗಿ ಹುಡುಕಾಟ ನಡೆಸಿದ್ದಾರೆ. ಕೆಲ ಸೆಕೆಂಡ್ಗಳ ಕಾಲ ಕತ್ತರಿಗಾಗಿ ಕಾದ ಕೆ.ಸಿ. ರಾವ್ ಬಳಿಕ ತಮ್ಮ ಕೈನಿಂದಲೇ ರಿಬ್ಬನ್ ಎಳೆದು ಉದ್ಘಾಟನೆ ಮಾಡಿದ್ದಾರೆ.
ರಾಜಣ್ಣ ಸಿಕಿಲ್ಲಾ ಜಿಲ್ಲೆಯ ಮಂಡೇಪಲ್ಲಿ ಗ್ರಾಮದಲ್ಲಿ ಜುಲೈ 4ರಂದು ನಡೆದ ಘಟನೆ ಇದಾಗಿದ್ದು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
Loading ...