ಉಭಯ ದೇಶಗಳ ನಡುವಿನ ಬಲವಾದ ಸ್ನೇಹವನ್ನು ಗಮನದಲ್ಲಿಟ್ಟುಕೊಂಡು ಭಾರತ ಹಾಗೂ ಫ್ರಾನ್ಸ್ ಇಂಡೋ – ಪೆಸಿಫಿಕ್ ಪ್ರದೇಶದಲ್ಲಿ ಜಂಟಿಯಾಗಿ ಕಾರ್ಯನಿರ್ವಹಿಸಲು ಒಪ್ಪಿಕೊಂಡಿವೆ. ಈ ಪ್ರದೇಶವನ್ನು ಸ್ಥಿರವಾಗಿ ಹಾಗೂ ಯಾವುದೇ ಪ್ರಾಬಲ್ಯದಿಂದ ಮುಕ್ತವಾಗಿದೆ ಎಂದು ಭಾರತದ ಫ್ರೆಂಚ್ ಅಧ್ಯಕ್ಷರ ಕಚೇರಿಯು ಮಾಹಿತಿ ನೀಡಿದೆ.
ಪ್ರಧಾನಿ ನರೇಂದ್ರ ಮೋದಿ ಹಾಗೂ ಫ್ರಾನ್ಸ್ ಅಧ್ಯಕ್ಷ ಇಮ್ಯಾನುಯಲ್ ಮ್ಯಾಕ್ರನ್ ದೂರವಾಣಿ ಮೂಲಕ ಇಂಡೋ ಪೆಸಿಫಿಕ್ ಪ್ರದೇಶದಲ್ಲಿ ದ್ವಿಪಕ್ಷೀಯ ಸಹಯೋಗವನ್ನು ಪರಿಶೀಲಿಸಿದರು ಎಂದು ದೆಹಲಿಯ ಪ್ರಧಾನಿ ಕಚೇರಿ ಮಾಹಿತಿ ನೀಡಿದೆ.
ಮ್ಯಾಕ್ರಾನ್ ಜೊತೆ ದೂರವಾಣಿ ಮಾತುಕತೆ ಬಳಿಕ ಟ್ವೀಟ್ ಮಾಡಿದ ಪ್ರಧಾನಿ ಮೋದಿ, ನನ್ನ ಸ್ನೇಹಿತ ಹಾಗೂ ಅಧ್ಯಕ್ಷ ಇಮ್ಯಾನುಯಲ್ ಮ್ಯಾಕ್ರೋನ್ ಜೊತೆ ಅಫ್ಘಾನಿಸ್ತಾನದ ಪರಿಸ್ಥಿತಿಯ ಬಗ್ಗೆ ಚರ್ಚೆ ನಡೆಸಿದ್ದೇನೆ. ನಾವು ಇಂಡೋ-ಪೆಸಿಫಿಕ್ನಲ್ಲಿ ಭಾರತ ಹಾಗೂ ಫ್ರಾನ್ಸ್ ನಡುವಿನ ನಿಕಟ ಸಂಬಂಧದ ಬಗ್ಗೆಯೂ ಚರ್ಚೆ ನಡೆಸಿದ್ದೇವೆ. ಯುಎನ್ಎಸ್ಸಿ ಹಾಗೂ ಫ್ರಾನ್ಸ್ನೊಂದಿಗೆ ನಮ್ಮ ಕಾರ್ಯತಂತ್ರದ ಪಾಲುದಾರಿಕೆಗೆ ಹೆಚ್ಚಿನ ಮಹತ್ವ ನೀಡುತ್ತೇವೆ ಎಂದು ಬರೆದಿದ್ದಾರೆ.
ಪ್ರಧಾನಿ ಮೋದಿಯ ಟ್ವೀಟ್ಗೆ ಪ್ರತಿಕ್ರಿಯೆ ನೀಡಿ ಟ್ವೀಟಾಯಿಸಿದ ಇಮ್ಯಾನುಯಲ್ ಮ್ಯಾಕ್ರೋನ್, ನಮಸ್ತೆ ಪ್ರಿಯ ಸಾಥಿ, ನಮಸ್ತೆ ಪ್ರಿಯ ಮಿತ್ರ, ನಮ್ಮ ಕಾರ್ಯತಂತ್ರದ ಪಾಲುದಾರಿಕೆಯ ಪ್ರಾಮುಖ್ಯತೆಯನ್ನು ಪುನರುಚ್ಚರಿಸಿದ್ದಕ್ಕಾಗಿ ಧನ್ಯವಾದಗಳು ಎಂದಿದ್ದಾರೆ.
ಇಂಡೋ ಪೆಸಿಫಿಕ್ನ್ನು ಸಹಕಾರ ಹಾಗೂ ಹಂವಿಕೆ ಮೌಲ್ಯದ ಪ್ರದೇಶವನ್ನಾಗಿಸಲು ಎರಡೂ ದೇಶಗಳು ಬಲವಾಗಿ ಬದ್ಧವಾಗಿವೆ ಎಂದು ಮ್ಯಾಕ್ರೋನ್ ಟ್ವೀಟಾಯಿಸಿದ್ದಾರೆ.
Loading ...