ನಾಗಾಲ್ಯಾಂಡ್ ಸಚಿವ ಟೆಮ್ಜೆನ್ ಇಮ್ನಾ ಅಲಾಂಗ್ ಅವರು ಮೋಡಗಳ ಮೋಡಿ ಮಾಡುವ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಹಾಸ್ಯ ಪ್ರಜ್ಞೆಯಿಂದ ಸಾಮಾಜಿಕ ಜಾಲತಾಣದಲ್ಲಿ ರಂಜಿಸುವ ನಾಗಾಲ್ಯಾಂಡ್ ಸಚಿವ ಟೆಮ್ಜೆನ್ ಇಮ್ನಾ ಅಲಾಂಗ್ ಇದೀಗ ಬೆರಗುಗೊಳಿಸುವ ವಿಡಿಯೋ ಪೋಸ್ಟ್ ಮಾಡಿದ್ದು, ಅವರ ಫಾಲೋಯರ್ಗಳನ್ನು ನಿಬ್ಬೆರಗಾಗಿಸಿದೆ. ಆ ವಿಡಿಯೋ ಪೋಸ್ಟ್ ಮಾಡಿ, ಆ ಸ್ಥಳದ ಹೆಸರನ್ನು ಊಹಿಸಲು ತಮ್ಮ ಫಾಲೋಯರ್ಗಳನ್ನು ಕೇಳಿಕೊಂಡಿದ್ದಾರೆ.
ಜುಲೈ 25 ರಂದು ವಿಡಿಯೋವನ್ನು ಪೋಸ್ಟ್ ಮಾಡಿದ್ದು, ಕಣಿವೆಯಲ್ಲಿ ಒಂದು ಪುಟ್ಟ ನಗರ ಕಾಣಿಸುತ್ತದೆ. ಸೂರ್ಯನ ಬೆಳಕು ಪೂರ್ಣ ಪ್ರಮಾಣದ ಹೊತ್ತಲ್ಲಿ ಮನೆ ಕಟ್ಟಡಗಳಿಂದ ವಿದ್ಯುತ್ ದೀಪ ಬೆಳಗುವುದರ ಜತೆಗೆ ಮೋಡಗಳು ತೇಲುತ್ತಾ ಸಾಗುವುದು ವರ್ಣನಾತೀತ ದೃಶ್ಯವಾಗಿದೆ.
ಕಣಿವೆಗಳ ಕೆಳಗೆ ತೇಲುತ್ತಿರುವ ಮೋಡಗಳು, ಸುಂದರವಲ್ಲವೇ? ಸ್ಥಳವನ್ನು ಊಹಿಸಿ. ಈ ಮೋಡಿ ಮಾಡುವ ವಿಡಿಯೊ ಸೆರೆಹಿಡಿದಿದ್ದಕ್ಕಾಗಿ ಪಾಮೊಲೆಂಥಾಂಗ್ ಟುಬೊಯ್ಗೆ ಧನ್ಯವಾದಗಳು, ಎಂದು ಸಚಿವ ಅಲಾಂಗ್ ತಮ್ಮ ಖಾತೆಯಲ್ಲಿ ವಿಡಿಯೋ ಜೊತೆ ಬರೆದುಕೊಂಡಿದ್ದಾರೆ.
ಕಾಮೆಂಟ್ಗಳ ವಿಭಾಗದಲ್ಲಿ ನೆಟ್ಟಿಗರು ಹಲವಾರು ಊಹೆಗಳನ್ನು ಮಾಡಿದ್ದಾರೆ. ಕೋಹಿಮಾ ಸಾಮಾನ್ಯ ಉತ್ತರವಾಗಿತ್ತು.
Loading ...