ಜೋಧ್ಪುರದ ಜಾಲಾಮಂಡ್ ಏರಿಯಾದಲ್ಲಿ ಮಧ್ಯರಾತ್ರಿ 2 ಗಂಟೆ ಸುಮಾರಿಗೆ ಹಸಿವಾಗ್ತಿದೆ ಅಂತಾ ತಿಂಡಿ ತಿನ್ನಲು ಹೋದ ಯುವತಿ ಆಯತಪ್ಪಿ ಕೆಳಕ್ಕೆ ಬಿದ್ದು ಸಾವನ್ನಪ್ಪಿದ ವಿಚಿತ್ರ ಘಟನೆ ನಡೆದಿದೆ.
ಟೆರೆಸ್ನಿಂದ ಕೆಳಕ್ಕೆ ಬಿದ್ದು ಗಂಭೀರ ರೂಪದಲ್ಲಿ ಗಾಯಗೊಂಡಿದ್ದ ಯುವತಿಯನ್ನ ಮಥುರಾದಾಸ್ ಮಾಥುರ್ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತಾದರೂ ಚಿಕಿತ್ಸೆ ಫಲಕಾರಿಯಾಗದೇ ಸಾವನ್ನಪ್ಪಿದ್ದಾಳೆ.
ನ್ಯಾಗಾಲೆಂಡ್ನ ನಿವಾಸಿಯಾಗಿದ್ದ ಯುವತಿ ಕೆಲವೇ ದಿನಗಳ ಮೊದಲು ತನ್ನ ಸಹೋದರಿ ಮನೆಗೆ ಬಂದಿದ್ದಳು. ಪೊಲೀಸರು ಮೃತಳ ಸಹೋದರಿಯಿಂದ ಹೇಳಿಕೆ ಪಡೆದಿದ್ದಾರೆ. ಇನ್ನು ಈ ಸಂಬಂಧ ಮಾಹಿತಿ ನೀಡಿದ ಕುಡಿ ಠಾಣೆಯ ಉಪನಿರೀಕ್ಷಕ ಸಾಹಬ್ ಸಿಂಗ್, ನಾಗಾಲ್ಯಾಂಡ್ನ ನಿವಾಸಿಯಾಗಿದ್ದ ಮೃತ ಯುವತಿ 20 ವರ್ಷ ಪ್ರಾಯದವಳಾಗಿದ್ದಾಳೆ. ಕೆಲ ದಿನಗಳ ಹಿಂದಷ್ಟೇ ತನ್ನ ಹಿರಿಯ ಸಹೋದರಿ ನಿವಾಸಕ್ಕೆ ಆಗಮಿಸಿದ್ದಳು. ರಾತ್ರಿ ಮಲಗಿದ್ದ ವೇಳೆ ಹಸಿವಾಯ್ತು ಅಂತಾ ತಿಂಡಿಯನ್ನ ತಿಂದುಕೊಂಡು ಹಿರಿಯ ಸಹೋದರಿಯನ್ನ ಹುಡುಕುತ್ತಾ ಟೆರೆಸ್ಗೆ ಬಂದ ವೇಳೆ ಆಯತಪ್ಪಿ ಕೆಳಕ್ಕೆ ಬಿದ್ದು ಸಾವನ್ನಪ್ಪಿದ್ದಾಳೆ ಎನ್ನಲಾಗಿದೆ.
Loading ...