ತಾಯಿಯೊಂದಿಗೆ ಸಂಭ್ರಮಿಸುತ್ತಿರುವ ಮೊರಾಕ್ಕೊ ಆಟಗಾರರು: ಭಾವುಕ ವಿಡಿಯೋ ವೈರಲ್​

ಕತಾರ್​: ಮೊರಾಕೊದ ಅನೇಕ ಆಟಗಾರರು ತಮ್ಮ ತಾಯಂದಿರು ಮತ್ತು ಇತರ ಕುಟುಂಬ ಸದಸ್ಯರನ್ನು ಕತಾರ್‌ಗೆ ಕರೆತಂದಿದ್ದಾರೆ. ಅವರೊಂದಿಗೆ ಸಂಭ್ರಮಿಸುವ ಕೆಲವು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದು, ಕೆಲವು ಜನರನ್ನು ಭಾವುಕಗೊಳಿಸುತ್ತಿವೆ.

ಕಳೆದ ಶನಿವಾರದಂದು ಮೊರಾಕ್ಕೊ ಪೋರ್ಚುಗಲ್‌ನ್ನು 1-0 ಗೋಲುಗಳಿಂದ ಸೋಲಿಸಿ ವಿಶ್ವಕಪ್ ಸೆಮಿಫೈನಲ್ ತಲುಪಿದ ಮೊದಲ ಆಫ್ರಿಕನ್ ಮತ್ತು ಅರಬ್ ರಾಷ್ಟ್ರವಾಯಿತು. ಮಿಡ್‌ಫೀಲ್ಡರ್ ಸೋಫಿಯಾನೆ ಬೌಫಾಲ್ ಮೈದಾನದಲ್ಲಿ ತನ್ನ ತಾಯಿಯೊಂದಿಗೆ ನೃತ್ಯ ಮಾಡುತ್ತಿರುವ ವಿಡಿಯೋ ಈಗ ವೈರಲ್​ ಆಗಿದೆ.

ಕಳೆದ ವಾರ 16 ರ ಸುತ್ತಿನಲ್ಲಿ ಸ್ಪೇನ್ ವಿರುದ್ಧ ಗೆಲುವಿನ ಪೆನಾಲ್ಟಿ ಗಳಿಸಿದ ನಂತರ ಡಿಫೆಂಡರ್ ಅಚ್ರಾಫ್ ಹಕಿಮಿ ತನ್ನ ತಾಯಿ ಕೆನ್ನೆಗೆ ಮುತ್ತು ನೀಡುವ ಚಿತ್ರಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಿದ್ದಾರೆ. “ನಾನು ನಿನ್ನನ್ನು ಪ್ರೀತಿಸುತ್ತೇನೆ ಅಮ್ಮ” ಎಂದು ಅವರು ಬರೆದಿದ್ದಾರೆ.
ತರಬೇತುದಾರ ವಾಲಿದ್ ರೆಗ್ರಾಗುಯಿ ಕೂಡ ತನ್ನ ತಾಯಿಯೊಂದಿಗೆ ಸಂಭ್ರಮಿಸುತ್ತಿದ್ದಾರೆ. ಸ್ಪೇನ್ ಪಂದ್ಯದ ನಂತರ ಸ್ಟ್ಯಾಂಡ್‌ಗೆ ಹತ್ತಲು ಮೊರೊಕ್ಕೊ ತಾಯಿಯನ್ನು ತಬ್ಬಿಕೊಳ್ಳುವ ವಿಡಿಯೋ ವೈರಲ್​ ಆಗಿದೆ.