ಈಜುಕೊಳಕ್ಕೆ ಬೀಳುತ್ತಿದ್ದ ತನ್ನ ಮಗುವನ್ನು ತಾಯಿಯೊಬ್ಬರು ರಕ್ಷಿಸಿದ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ವೈರಲ್ ಆಗಿದ್ದು, ಈ ವಿಡಿಯೋವನ್ನು 4 ಲಕ್ಷಕ್ಕೂ ಅಧಿಕ ಬಾರಿ ವೀಕ್ಷಣೆ ಮಾಡಲಾಗಿದೆ.
ಮಗುವು ಈಜುಕೊಳದ ಅಂಚಿನಲ್ಲಿದ್ದು, ಇನ್ನೇನು ಕೊಳಕ್ಕೆ ಬೀಳಬೇಕೆನ್ನುವಷ್ಟರಲ್ಲಿ ತಾಯಿ ಓಡೋಡಿ ಬಂದು ಮಗುವನ್ನು ಒಂದೇ ಕೈನಲ್ಲಿ ಎತ್ತಿಕೊಂಡು ರಕ್ಷಿಸುತ್ತಿರುವುದನ್ನು ಕಂಡ ನೆಟ್ಟಿಗರು ಆಕೆಯ ಸಮಯ ಪ್ರಜ್ಞೆಗೆ ತಾರೀಫ್ ಹೇಳಿದ್ದಾರೆ.
ಈ ಮೂಲಕ ತಾಯಿಯು ಕ್ಷಣಾರ್ಧದಲ್ಲಿ ಆಗಿ ಹೋಗಬಹುದಾಗಿದ್ದ ಅನಾಹುತವನ್ನು ತಪ್ಪಿಸಿದ್ದಾಳೆ. ಈ ವಿಡಿಯೋ ಟ್ವಿಟ್ಟರ್ ನಲ್ಲಿ ವೈರಲ್ ಆಗಿದ್ದು, ಎಲ್ಲರ ಗಮನ ಸೆಳೆಯುತ್ತಿದೆ.