ಹಬ್ಬದ ಸೀಸನ್​ನಲ್ಲಿ ಮಾರುತಿ ಸುಜುಕಿಯ ಈ ಕಾರುಗಳನ್ನು ಮಿಸ್​ ಮಾಡಿಕೊಳ್ಳಲೇಬೇಡಿ…!

ದೀಪಾವಳಿ ಹಬ್ಬ ಸಮೀಪಿಸುತ್ತಿದೆ. ಮಾರುತಿ ಸುಜುಕಿ ಕಂಪನಿಯು ಹಬ್ಬದ ರಿಯಾಯಿತಿಗಳನ್ನು ಘೋಷಣೆ ಮಾಡಿದೆ. ಮಾರುತಿ ಸುಜುಕಿ ಕಳೆದ ತಿಂಗಳು 2 ಲಕ್ಷ ಯುನಿಟ್​ಗಳನ್ನು ಮಾರಾಟ ಮಾಡುವ ಮೂಲಕ ದೇಶದ ಅತೀದೊಡ್ಡ ಕಾರು ತಯಾರಕ ಕಂಪನಿಯಾಗಿ ಮುಂದುವರಿದಿದೆ.

ಮಾರುತಿ ಸುಜುಕಿ ಸದ್ಯ ಪ್ರಾಯೋಗಿಕವಾಗಿ ನೆಕ್ಸಾ ಶ್ರೇಣಿಯಲ್ಲಿ ಪ್ರಚಾರ ಕಾರ್ಯ ನಡೆಸುತ್ತಿದೆ. ಬ್ರೆಝಾ, ಗ್ರ್ಯಾಂಡ್ ವಿಟಾರಾ, ಫ್ರಾಂಕ್ಸ್, ಎಕ್ಸ್‌ಎಲ್6 ಮತ್ತು ಎರ್ಟಿಗಾದಲ್ಲಿ ಸುಜುಕಿ ಕಂಪನಿ ಯಾವುದೇ ಹಬ್ಬದ ಆಫರ್​​ ನೀಡಿಲ್ಲ. ಕಂಪನಿಯು ತನ್ನ ಕಾರುಗಳನ್ನು ಅರೆನಾ ಹಾಗೂ ನೆಕ್ಸಾ ಚಾನೆಲ್​​​ಗಳ ಮೂಲಕ ಮಾರಾಟ ಮಾಡುತ್ತಿದೆ.

ನೆಕ್ಸಾ ಹಾಗೂ ಬಲೆನಾ ಭಾರತದ ಅಗ್ರ ಐದು ಜನಪ್ರಿಯ ಅಟೋ ಮೊಬೈಲ್​ನಲ್ಲಿ ತಮ್ಮ ಸ್ಥಾನವನ್ನು ಮುಂದುವರಿಸಿವೆ. ಮಾರಾಟವನ್ನು ಇನ್ನಷ್ಟು ಹೆಚ್ಚಿಸಲು ಕಂಪನಿಯು ಉನ್ನತ ಮಟ್ಟದ ಹ್ಯಾಚ್​ಬ್ಯಾಕ್​ನಲ್ಲಿ ವಿವಿಧ ರಿಯಾಯಿತಿಗಳನ್ನು ನೀಡಿದೆ. ಅತ್ಯಧಿಕ ವಿಧವಾದ ಆಲ್ಫಾವನ್ನು ರೂ. 25,000 ವರೆಗೆ ವಿನಿಮಯ ಮಾಡಿಕೊಳ್ಳಬಹುದಾಗಿದೆ.

ಮಾರುತಿ ಸುಜುಕಿಯು ಇಗ್ನಿಸ್​ ಮೇಲಿನ ರಿಯಾಯಿತಿ ಶ್ರೇಣಿಯನ್ನು ಹೆಚ್ಚಿಸಿದೆ. ಇದು ರೂ. 10,000 ವರೆಗಿನ ಕಾರ್ಪೊರೇಟ್ ರಿಯಾಯಿತಿ ಮತ್ತು ರೂ. 35,000 ರ ಫ್ಲಾಟ್ ಕ್ಯಾಶ್ ಡಿಸ್ಕೌಂಟ್ ಮತ್ತು ರೂ. 30,000 ವರೆಗಿನ ವಿನಿಮಯ ಪ್ರೋತ್ಸಾಹದೊಂದಿಗೆ ಸಂಯೋಜಿಸಲ್ಪಡುತ್ತದೆ. 45,000 ರೂ. ವರೆಗೆ ಮತ್ತು ಇಗ್ನಿಸ್ ಲಿಮಿಟೆಡ್ ಎಡಿಷನ್ (ಡೆಲ್ಟಾ ಎಸ್‌ಇ) ಮೇಲೆ ಸುಮಾರು ರೂ. 55,500 ವರೆಗೆ ರಿಯಾಯಿತಿಗಳನ್ನು ಒದಗಿಸುತ್ತಿದೆ.