ಪಾಕಿಸ್ತಾನವು ಭಾರತದಿಂದ ಹೀನಾಯ ಸೋಲು ಅನುಭವಿಸಿದ ಬಳಿಕ ‘ಓ ಭಾಯಿ ಮಾರೋ ಮುಝೆ ಮಾರೋ’ ಎಂಬ ವಿಡಿಯೋ ಭಾರಿ ವೈರಲ್ ಆಗಿತ್ತು. ಕ್ರಿಕೆಟ್ ಅಭಿಮಾನಿಯೊಬ್ಬ ತನ್ನನ್ನು ಸಾಯಿಸಿ ಎಂದು ನಾಟಕವಾಡಿದ ಈ ವಿಡಿಯೋದಿಂದಾಗಿ ರಾತ್ರೋರಾತ್ರಿ ಆತ ಸ್ಟಾರ್ ಆಗಿಬಿಟ್ಟಿದ್ದ. ಇದನ್ನೇ ಹಲವರು ನಟಿಸಿ ಹಲವು ರೀತಿಯ ಮೀಮ್ಗಳನ್ನೂ ಮಾಡಿದ್ದರು.
ಇದೀಗ ಅಂಥದ್ದೇ ವಿಡಿಯೋ ಮತ್ತೆ ಸದ್ದು ಮಾಡುತ್ತಿದೆ. ಈ ಬಾರಿ ದಕ್ಷಿಣ ಆಫ್ರಿಕಾದ ವಿರುದ್ಧ ಭಾರತ ಸೋತ ಬಳಿಕ ಅಭಿಮಾನಿಯೊಬ್ಬ ಇದೇ ಡೈಲಾಗ್ ಹೇಳುತ್ತಿದ್ದು, ಆತನನ್ನು ಇನ್ನೋರ್ವ ಭಾರತೀಯ ಅಭಿಮಾನಿ ಉಳಿಸಲು ಪ್ರಯತ್ನಿಸುತ್ತಿರುವ ವಿಡಿಯೋ ಇದಾಗಿದೆ.
ಇಂಥದ್ದೊಂದು ನಟನೆ ಮಾಡಿದ್ದು ಯೂಟ್ಯೂಬರ್ ಗೌರವ್ ತನೇಜಾ. ಭಾರತ ಸೋತ ಬಳಿಕ ಅವರು ಸಾಯುವಂತೆ ನಟಿಸಿದರು. ಇನ್ನೊಬ್ಬ ಯೂಟ್ಯೂಬರ್ ಮೋಮಿನ್ ಸಾಕಿಬ್ ಅವರು ಗೌರವ್ ಅವರನ್ನು ಉಳಿಸಲು ಹೋಗುವಂತೆ ನಾಟಕವಾಡಿದ್ದು, ಈ ವಿಡಿಯೋ ಇದಾಗಲೇ ಐದು ಲಕ್ಷಕ್ಕೂ ಅಧಿಕ ವ್ಯೂಸ್ ಕಂಡಿದೆ.
ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಭಾರತ ಸೋತ ನಂತರ ಮೋಮಿನ್ ಮತ್ತು ಗೌರವ್ ಅಳುತ್ತಿರುವುದನ್ನು ಇದರಲ್ಲಿ ತೋರಿಸಲಾಗಿದೆ. ಗೌರವ್ ಮೂರ್ಛೆಹೋಗುವಂತೆ ನಟಿಸುತ್ತಾರೆ ಮತ್ತು ಮೋಮಿನ್ ಅವರನ್ನು ಉಳಿಸುವಂತೆ ನಟಿಸಿರುವ ವಿಡಿಯೋ ಇದಾಗಿದೆ. ಈ ವಿಡಿಯೋಗೆ ಹಲವಾರು ರೀತಿಯ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ.
Loading ...