ಹಲವರು ವಿಡಿಯೊ ಗೇಮ್‌ಗಳನ್ನು ಹವ್ಯಾಸ ಮಾಡಿಕೊಂಡಿರುತ್ತಾರೆ. ಇನ್ನು ಕೆಲವರು ತಮ್ಮ ಸಂಪೂರ್ಣ ಸಮಯವನ್ನು ಅದಕ್ಕಾಗಿ ವ್ಯಯ ಮಾಡುತ್ತಾರೆ. ಇಲ್ಲೊಬ್ಬ ಯೂಟ್ಯೂಬರ್ ಮೈನ್ ಕ್ರಾಫ್ಟ್ (Minecraft)ನ ಕ್ರಿಯೇಟಿವ್ ಮೋಡ್‌ನಲ್ಲಿ ಇಡೀ ಯೂನಿವರ್ಸ್ ರಚಿಸಿದ್ದಾರೆ. ಕ್ರಿಸ್‌ದಕೌ ಹೆಸರಿನ ತನ್ನ ಯೂಟ್ಯೂಬ್ ಚಾನಲ್‌ನಲ್ಲಿ ತಮ್ಮ ಪ್ರಯತ್ನವನ್ನು ಹಂಚಿಕೊಂಡ ಕ್ರಿಸ್ಟೋಫರ್ ಸ್ಲೇಟನ್, ನೆಟ್ಟಿಗರನ್ನು ವಿಸ್ಮಯಗೊಳಿಸಿದರು. ಸಮುದ್ರ, ಕಾಡು ಮತ್ತು ಮರುಭೂಮಿಯ ನಿಖರವಾದ ಬಣ್ಣಗಳನ್ನು ಪುನರಾವರ್ತಿಸುವುದರಿಂದ ಹಿಡಿದು ತಮ್ಮದೇ ಆದ “ಸ್ಪೇಸ್ ಲೈಟ್” ಅನ್ನು ರಚಿಸುವವರೆಗೆ ಸಂಪೂರ್ಣ ಪ್ರಯಾಣವನ್ನು ಹಂಚಿಕೊಂಡರು.
ಕ್ರಿಸ್ಟೋಫರ್ ಪ್ರತಿ ಗ್ರಹದ ನಡುವಿನ ಅಂತರವನ್ನು ಅಳೆಯಲು ಪೈಥಾಗರಿಯನ್ ಪ್ರಮೇಯವನ್ನು ಮತ್ತೆ ಕಲಿಯಬೇಕಾಗಿತ್ತು. ಆದರೆ “ಪಿಲ್ಲರ್ ಆಫ್ ಕ್ರಿಯೇಷನ್” ಎಂಬ ಗ್ಯಾಲಕ್ಸಿಯ ಘಟಕ ನಿರ್ಮಿಸಲು ಯೋಜಿಸಿದರು.
ಮನಮುಟ್ಟುವ ಸೃಷ್ಟಿ ಮತ್ತು ಅದನ್ನು ರಚಿಸಲು ಅವರು ತೆಗೆದುಕೊಂಡ ಎಲ್ಲಾ ಪ್ರಯತ್ನಗಳು ಮತ್ತು ಸಮರ್ಪಣೆಯು ಕ್ರಿಸ್ಟೋಫರ್ ಹೆಚ್ಚು ಮನ್ನಣೆಗೆ ಅರ್ಹವಾಗಿದೆ ಎಂದು ನೆಟ್ಟಿಗರು ಅಭಿಪ್ರಾಯಪಟ್ಟರು. “ಈ ವರ್ಷ ನಾನು ವೀಕ್ಷಿಸಿದ ನನ್ನ ನೆಚ್ಚಿನ ಯೂಟ್ಯೂಬ್ ವೀಡಿಯೊ ಇದು ಎಂದು ನಿಸ್ಸಂದೇಹವಾಗಿ ಹೇಳಬಲ್ಲೆ ” ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ.
ಮತ್ತೊಂದು ಕಾಮೆಂಟ್‌ನಲ್ಲಿ, “ಕ್ರಿಸ್, ಇದು ನಂಬಲಾಗದು! ಎಡಿಟಿಂಗ್, ಸಂಗೀತ. ಈ ವೀಡಿಯೊಗಾಗಿ ನೀವು ಅಕ್ಷರಶಃ ಸ್ಕೈಡೈವಿಂಗ್ ಮತ್ತು ಹೈಕಿಂಗ್ (ರಾತ್ರಿಯಲ್ಲಿ) ಹೋಗಿದ್ದೀರಿ ಎಂಬ ಅಂಶವು… ಗಮನಾರ್ಹ. ಇದಕ್ಕಾಗಿ ಹಾಕಿರುವ ಸಮಯ, ಶ್ರಮ ಮತ್ತು ಕಾಳಜಿಯು ಆಶ್ಚರ್ಯಕರವಾಗಿದೆ. ಈ ವೀಡಿಯೊವನ್ನು ಹೊರತಂದಿದ್ದಕ್ಕಾಗಿ ಅಭಿನಂದನೆಗಳು ” ಎಂದು ಅಭಿಪ್ರಾಯವಿದೆ.
Loading ...