ಪುರುಷನೊಬ್ಬ ತನ್ನ ಗೆಳತಿಯೊಂದಿಗೆ ರೀಲ್ ಮಾಡಲು ಕಾರಿನ ಸ್ಟೀರಿಂಗ್ ವೀಲ್ ಅನ್ನು ಬಿಟ್ಟು ಅವಳ ಜೊತೆ ಸಲ್ಲಾಪದಲ್ಲಿ ತೊಡಗಿರುವ ವೀಡಿಯೊ ಇಂಟರ್ನೆಟ್‌ನಲ್ಲಿ ಹರಿದಾಡುತ್ತಿದೆ ಮತ್ತು ಟ್ವಿಟರ್‌ನ ಕೋಪಕ್ಕೆ ಕಾರಣವಾಗಿದೆ.
ಈತ ತನ್ನ ಮಹೀಂದ್ರಾ XUV 700 ನಲ್ಲಿ ಸ್ಥಾಪಿಸಲಾದ ಅಡ್ವಾನ್ಸ್ಡ್ ಡ್ರೈವರ್ ಅಸಿಸ್ಟೆನ್ಸ್ ಸಿಸ್ಟಮ್ಸ್ (ADAS) ಅನ್ನು ದುರುಪಯೋಗಪಡಿಸಿಕೊಂಡಿದ್ದಾನೆ. ಟ್ವಿಟ್ಟರ್‌ನಲ್ಲಿ ಎಕ್ಸ್‌ರೋಡರ್ಸ್ ಎಂಬ ಪುಟದಲ್ಲಿ ಶೇರ್ ಮಾಡಲಾದ ಈ ವಿಡಿಯೋ ವೈರಲ್ ಆಗಿದೆ.
ಇದರಲ್ಲಿ ಒಬ್ಬ ವ್ಯಕ್ತಿ ರೀಲ್ ಮಾಡಲು ಸ್ಟೀರಿಂಗ್ ಚಕ್ರವನ್ನು ಬಿಟ್ಟಿರುವುದನ್ನು ಕಾಣಬಹುದು. ಅವನ ಕಾಲುಗಳು ಅವನ ಹೆಂಡತಿ ಕುಳಿತಿದ್ದ ಪ್ರಯಾಣಿಕರ ಸೀಟಿನ ಮೇಲಿದ್ದವು. ವ್ಯಕ್ತಿ ತನ್ನ ಮಹೀಂದ್ರಾ XUV 700 ನಲ್ಲಿ ಅಳವಡಿಸಲಾದ ADAS ಅನ್ನು ಅಪಾಯಕಾರಿಯಾಗಿ ದುರ್ಬಳಕೆ ಮಾಡುತ್ತಿದ್ದ ಎನ್ನುವುದು ಕಾಣಿಸುತ್ತದೆ.
ADAS ಎನ್ನುವುದು ಸುರಕ್ಷಿತ ಮಾನವ-ಯಂತ್ರ ಇಂಟರ್ಫೇಸ್ ಮೂಲಕ ಚಾಲನೆ ಮತ್ತು ಪಾರ್ಕಿಂಗ್‌ನಲ್ಲಿ ಸಹಾಯ ಮಾಡಲು ವಿನ್ಯಾಸಗೊಳಿಸಲಾದ ಎಲೆಕ್ಟ್ರಾನಿಕ್ ತಂತ್ರಜ್ಞಾನವಾಗಿದೆ. ರಸ್ತೆ ಅಪಘಾತಗಳ ಸಂಖ್ಯೆಯನ್ನು ಕಡಿಮೆ ಮಾಡುವ ಮೂಲಕ ಸಾವು ಮತ್ತು ಗಾಯಗಳನ್ನು ತಡೆಗಟ್ಟುವುದು ADAS ನ ಪಾತ್ರವಾಗಿದೆ. ಆದರೆ ಈತ ಅದನ್ನು ತನ್ನ ಸಲ್ಲಾಪಕ್ಕೆ ಬಳಸಿಕೊಂಡಿರುವುದು ಆಕ್ರೋಶಕ್ಕೆ ಕಾರಣವಾಗಿದೆ. ಈತನ ವಿರುದ್ಧ ಕ್ರಮಕ್ಕೆ ಆಗ್ರಹಿಸಲಾಗುತ್ತಿದೆ.
Loading ...