ಕಾಡು ಪ್ರಾಣಿಗಳ ಮೇಲೆ ಮಾನವರ ದೌರ್ಜನ್ಯದ ಅನೇಕ ನಿದರ್ಶನಗಳು ವಿಡಿಯೋ ರೂಪದಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಕಟಗೊಂಡಿವೆ. ಇಂಥದ್ದೇ ಮತ್ತೊಂದು ವಿಡಿಯೋದಲ್ಲಿ, ಕಾಡೆಮ್ಮೆಯೊಂದರ ಮೇಲೆ ಯುವಕನೊಬ್ಬ ಹಲ್ಲೆ ಮಾಡುತ್ತಿರುವ ಕ್ರೌರ್ಯವು ಸೆರೆಯಾಗಿದೆ.
ನೀಲಗಿರಿ ಲೈವ್‌ 24×7 ಎಂಬ ಫೇಸ್ಬುಕ್ ಪೇಜ್‌ನಲ್ಲಿ ಪೋಸ್ಟ್ ಮಾಡಲಾದ ಈ ವಿಡಿಯೋಗೆ ನೀಡಿದ ಕ್ಯಾಪ್ಷನ್ ಪ್ರಕಾರ, ಈ ಘಟನೆ ತಮಿಳುನಾಡಿದ ನೀಲಗಿರಿ ಜಿಲ್ಲೆಯ ಕೆಟ್ಟಿಯಲ್ಲಿ ಜರುಗಿದೆ.
ಗಾಯಗೊಂಡ ಪ್ರಾಣಿಯ ಮೇಲೆ ಯುವಕ ಬರ್ಬರವಾಗಿ ಹಲ್ಲೆ ಮಾಡುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ. ಹಲ್ಲೆಕೋರನಿಂದ ರಕ್ಷಿಸಿಕೊಳ್ಳಲು ಆತನ ಮೇಲೆ ದಾಳಿ ಮಾಡಲು ಮುಂದಾದ ಕಾಡೆಮ್ಮೆ ಬಳಿಕ ಅಲ್ಲಿಂದ ಓಡಿ ಹೋಗಿದೆ.
ಅರಣ್ಯ ಇಲಾಖೆ ಅಧಿಕಾರಿಗಳು ಆಪಾದಿತನನ್ನು ಬಂಧಿಸಿದ್ದಾರೆ ಎಂದು ಕ್ಯಾಪ್ಷನ್‌ನಲ್ಲಿ ತಿಳಿಸಲಾಗಿದೆ.
Loading ...