ಸರ್ಕಾರದಿಂದ ಪಿಂಚಣಿ ಸೌಲಭ್ಯ: ಮಾಹಿತಿ ನೀಡಲು ಮನವಿ

ಮಡಿಕೇರಿ: ತುರ್ತು ಪರಿಸ್ಥಿತಿ(1975-76) ವಿರುದ್ಧ ಹೋರಾಟ ಮತ್ತು ಸೆರೆವಾಸ ಅನುಭವಿಸಿದರಿಗೆ ಸರ್ಕಾರದಿಂದ ಪಿಂಚಣಿ ನೀಡಲು ಪರಿಶೀಲಿಸಲಾಗುತ್ತಿದೆ. ಆ ದಿಸೆಯಲ್ಲಿ ತುರ್ತು ಪರಿಸ್ಥಿತಿಯಲ್ಲಿ ಭಾಗವಹಿಸಿದವರ ವಿವರಗಳು ಮತ್ತು ಬದುಕಿಲ್ಲದವರ ಕುಟುಂಬದ ಮಾಹಿತಿಯನ್ನು ಒದಗಿಸುವಂತೆ ಸರ್ಕಾರ ತಿಳಿಸಿದೆ.

ಆದ್ದರಿಂದ ತುರ್ತು ಪರಿಸ್ಥಿತಿ ವಿರುದ್ಧ ಹೋರಾಟ ಮತ್ತು ಸೆರೆವಾಸ ಅನುಭವಿಸಿದ ಯಾರಾದರೂ ಪಿಂಚಣಿ ಪಡೆಯದಿರುವವರು ಮತ್ತು ಕುಟುಂಬದವರು ಇದ್ದಲ್ಲಿ ಮಾಹಿತಿಯನ್ನು ಜಿಲ್ಲಾಧಿಕಾರಿ ಅವರ ಕಚೇರಿಗೆ ಒದಗಿಸುವಂತೆ ಹೆಚ್ಚುವರಿ ಜಿಲ್ಲಾಧಿಕಾರಿ ರಾಜು ಮೊಗವೀರ ಅವರು ಕೋರಿದ್ದಾರೆ.