ಕೇರಳದ ಕೊಟ್ಟಾಯಂ ಬಳಿಯ ಕಪಿಕ್ಕಾಡ್ನ ಆಟೋ ರಿಕ್ಷಾ ಚಾಲಕ ಸುದರ್ಶನ ಎಂಬವರು ವಿಚಿತ್ರವಾಗಿ ಅಪಘಾತಕ್ಕೀಡಾಗಿದ್ದಾರೆ. ಇವರು ಆಟೋದಲ್ಲಿ ಹೋಗುತ್ತಿದ್ದ ವೇಳೆ ಮರದಿಂದ ಹಲಸಿನ ಹಣ್ಣು ಬಿದ್ದ ಪರಿಣಾಮ ಗಾಯಗೊಂಡಿದ್ದಾರೆ. 55 ವರ್ಷದ ಸುದರ್ಶನ್ ಅವರ ತಲೆಯ ಮೇಲೆ ಹಲಸಿನ ಹಣ್ಣು ಬಿದ್ದಿದೆ. ಮಧುರವೇಲಿ – ಕುರುಪ್ಪಂತರ ರಸ್ತೆಯ ಪ್ಲಮೂಡ್ ಜಂಕ್ಷನ್ನಲ್ಲಿ ಈ ಅವಘಡ ಸಂಭವಿಸಿದೆ. ಹಲಸಿನ ಹಣ್ಣು ಬಿದ್ದ ಪರಿಣಾಮ ಸುದರ್ಶನ್ ಪ್ರಜ್ಞೆ ತಪ್ಪಿದ್ದಾರೆ. ಅದೃಷ್ಟವಶಾತ್ ಆಟೋದಲ್ಲಿ ಯಾವುದೇ ಇತರೆ ಪ್ರಯಾಣಿಕರು ಇರಲಿಲ್ಲ.
ಕುರುಪ್ಪಂತಾರಾದಿಂದ ಮರುರವೇಲಿಗೆ ವಾಪಸ್ಸಾಗುತ್ತಿದ್ದ ವೇಳೆ ಈ ಅವಘಢ ಸಂಭವಿಸಿದೆ. ಡ್ರೈವರ್ ಸೀಟಿನ ಮೇಲೆಯೇ ಸರಿಯಾಗಿ ಹಣ್ಣು ಬಿದ್ದಿದ್ದರ ಪರಿಣಾಮವಾಗಿ ಸುದರ್ಶನ್ಗೆ ಪೆಟ್ಟಾಗಿದೆ. ಆಟೋದಲ್ಲಿ ಮೇಲ್ಚಾವಣಿ ತೆಳುವಾಗಿ ಇರೋದ್ರಿಂದ ನೇರವಾಗಿ ಹಲಸಿನ ಹಣ್ಣು ಸುದರ್ಶನ್ ತಲೆ ಮೇಲೆಯೇ ಬಿದ್ದಿದೆ.
ಪ್ರಜ್ಞೆ ತಪ್ಪಿದ ಸುದರ್ಶನ್ ರಸ್ತೆ ಮೇಲೆ ಬಿದ್ದಿದ್ದರು. ಕೂಡಲೇ ಸ್ಥಳೀಯರು ಅವರನ್ನ ಕೊಟ್ಟಾಯಂ ಮೆಡಿಕಲ್ ಕಾಲೇಜು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಸುದರ್ಶನ್ಗೆ ಯಾವುದೇ ಗಂಭೀರ ಗಾಯವಾಗಿಲ್ಲ ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ.
Loading ...