ಗುರಾಯಿಸಿದ್ದಕ್ಕೆ ಯುವಕನನ್ನ ಹತ್ಯೆಗೈದ ವಿದ್ಯಾರ್ಥಿಗಳು

ಬೆಂಗಳೂರಿನ ಯಶವಂತಪುರದಲ್ಲಿ 17 ವರ್ಷದ ಯುವಕನನ್ನ ಕೊಲೆ ಮಾಡಿದ ಇಬ್ಬರು ಕಾಲೇಜು ವಿದ್ಯಾರ್ಥಿಗಳನ್ನ ಬಂಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ಪ್ರತ್ಯಕ್ಷದರ್ಶಿಗಳು ನೀಡಿದ ವಿಡಿಯೋ ಆಧಾರದ ಮೇಲೆ ಕೊಲೆಗಾರರನ್ನ ಗುರುತಿಸಿದ ಪೊಲೀಸರು ಅವರನ್ನ ಜೈಲಿಗಟ್ಟುವಲ್ಲಿ ಯಶಸ್ವಿಯಾಗಿದ್ದಾರೆ.

ಇನ್ನು ಈ ವಿಚಾರವಾಗಿ ಮಾತನಾಡಿದ ಹಿರಿಯ ಪೊಲೀಸ್​ ಅಧಿಕಾರಿ, ಕೊಲೆಯಾದ ಫೈಜ್​ ಕೂಡ ಇದೇ ಕಾಲೇಜಿನ ಪ್ರಥಮ ಪಿಯುಸಿ ವಿದ್ಯಾರ್ಥಿಯಾಗಿದ್ದು ಯಶವಂತಪುರದ ಸುಬೇದಾರಪಾಳ್ಯದ ನಿವಾಸಿಯಾಗಿದ್ದ. ಪ್ರಕರಣದ ಪ್ರಮುಖ ಆರೋಪಿ ಕೂಡ ಇದೇ ಏರಿಯಾದವನಾಗಿದ್ದರೆ ಕೃತ್ಯಕ್ಕೆ ಸಾಥ್​ ನೀಡಿದ ಆತನ ಸ್ನೇಹಿತ ಲಗ್ಗೇರಿ ನಿವಾಸಿಯಾಗಿದ್ದಾನೆ. ಕ್ಷುಲಕ ವಿಚಾರಕ್ಕಾಗಿ ನಡೆದಿದ್ದ ರಾಜಿ ಸಂಧಾನ ವಿಚಾರದ ಬಳಿಕ ಕೊಲೆಯಲ್ಲಿ ಅಂತ್ಯವಾಗಿದೆ ಎಂದು ಹೇಳಿದ್ದಾರೆ.

ಜೀವನ ನಿರ್ವಹಣೆಗೆ ಪೋಷಕರು ನೀಡಲಿ ಹಣ – ನ್ಯಾಯಾಲಯಕ್ಕೆ ನಿರುದ್ಯೋಗಿ ಪುತ್ರನ ಮೊರೆ

ಸುಬೇದಾರ ಪಾಳ್ಯದಲ್ಲಿ ಆರೋಪಿಗಳು ಧೂಮಪಾನ ಮಾಡುತ್ತಿದ್ದ ವೇಳೆ ಫೈಜ್​ ಗುರಾಯಿಸಿದ್ದ ಅನ್ನೋದೇ ಈ ಕೊಲೆಗೆ ಮುಖ್ಯ ಕಾರಣವಂತೆ..! ಫೈಜ್​ ವಿರುದ್ಧ ಸೇಡು ತೀರಿಸಿಕೊಳ್ಳೋಕೆ ಹೊಂಚು ಹಾಕಿದ್ದ ಆರೋಪಿಗಳು ಆತನನ್ನ ಕೊಲೆ ಮಾಡಿದ್ದಾರೆ ಎನ್ನಲಾಗಿದೆ.