ಪಾರ್ಕಿಂಗ್ ಮಾಡಿದ ಸ್ಕೂಟರ್ ನಲ್ಲಿ ನಾಗರಹಾವಿನ ಮರಿ ಕಂಡು ಬೆಚ್ಚಿದ ಸವಾರ

ಮೈಸೂರಿನಲ್ಲಿ ಪಾರ್ಕಿಂಗ್ ಮಾಡಿದ ಸ್ಕೂಟರ್ ನಲ್ಲಿ ನಾಗರ ಹಾವಿನ ಮರಿ ಕಂಡುಬಂದಿದ್ದು ಸವಾರ ಭಯಗೊಂಡ ಘಟನೆ ನಡೆದಿದೆ.

ದಿವಾನ್ಸ್ ರಸ್ತೆಯಲ್ಲಿ ಪಾರ್ಕಿಂಗ್ ಮಾಡಲಾಗಿದ್ದ ಸ್ಕೂಟರ್ ನಲ್ಲಿ ನಾಗರಹಾವಿನ ಮರಿ ಒಳಗೆ ಅವಿತು ಕುಳಿತಿದ್ದು, ಇದನ್ನು ಗಮನಿಸಿದ ವಾಹನ ಮಾಲೀಕ ಆತಂಕಗೊಂಡಿದ್ದಾರೆ.

ಉರಗ ರಕ್ಷಕ ಸ್ನೇಕ್ ಶ್ಯಾಮ್ ಅವರಿಗೆ ಮಾಹಿತಿ ನೀಡಲಾಗಿದೆ. ಅವರ ಪುತ್ರ ಸ್ನೇಕ್ ಸೂರ್ಯ ಸ್ಥಳಕ್ಕೆ ಆಗಮಿಸಿದ್ದು ಹಾವಿನ ಮರಿ ಹಿಡಿದು ಸುರಕ್ಷಿತ ಸ್ಥಳಕ್ಕೆ ಬಿಟ್ಟಿದ್ದಾರೆ ಎನ್ನಲಾಗಿದೆ.