ಬಸ್ ಪ್ರಯಾಣಿಕರಿಗೆ BMTC ಗುಡ್ ನ್ಯೂಸ್

ಬೆಂಗಳೂರು: ಬೆಂಗಳೂರು ಮಹಾನಗರ ಸಾರಿಗೆ ನಿಗಮ(ಬಿಎಂಟಿಸಿ) ಸಾರ್ವಜನಿಕರ ಅನುಕೂಲಕ್ಕೆ ಪಾಸ್ ವಿತರಿಸಲಿದೆ.

ಹಿರಿಯ ನಾಗರಿಕರ ಮಾಸಿಕ ಪಾಸ್ ಮತ್ತು ಸಾಮಾನ್ಯ ಮಾಸಿಕ ಪಾಸ್ ಗಳನ್ನು ಜೂನ್ 28 ರಿಂದ ವಿತರಿಸಲಾಗುವುದು. ಬಿಎಂಟಿಸಿ ಪಾಸ್ ಗಳು ಮೆಜೆಸ್ಟಿಕ್ ನ ಕೆಂಪೇಗೌಡ ಬಸ್ ನಿಲ್ದಾಣ, ಶಾಂತಿನಗರ, ಕುಮಾರಸ್ವಾಮಿ ಲೇಔಟ್ ಸೇರಿದಂತೆ 65 ಬಸ್ ನಿಲ್ದಾಣಗಳು, ಬೆಂಗಳೂರು ಒನ್ ಕೇಂದ್ರಗಳು ಮತ್ತು 13 ಖಾಸಗಿ ಏಜೆನ್ಸಿಗಳಲ್ಲಿ ಪಾಸ್ ವಿತರಿಸಲಿದ್ದು, ಸಾಮಾನ್ಯ ಮಾಸಿಕ ಪಾಸ್ ದರ 1050 ರೂಪಾಯಿ, ಹಿರಿಯ ನಾಗರಿಕರ ಮಾಸಿಕ ಪಾಸ್ ದರ 945 ರೂಪಾಯಿ ನಿಗದಿಪಡಿಸಲಾಗಿದೆ ಎನ್ನಲಾಗಿದೆ.