ಬೆಂಗಳೂರು: ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರದ ವ್ಯಾಪ್ತಿಯಲ್ಲಿ 45 ಸಾವಿರ ಬಿಡಿಎ ನಿವೇಶನಗಳಲ್ಲಿ ಅಕ್ರಮವಾಗಿ ಮನೆ ನಿರ್ಮಿಸಿಕೊಂಡವರಿಗೆ ಸಕ್ರಮ ಮಾಡಿಕೊಡಲು ರಾಜ್ಯ ಸರ್ಕಾರ ತೀರ್ಮಾನಿಸಿದೆ.
ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ನೇತೃತ್ವದಲ್ಲಿ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಆಕ್ರಮವಾಗಿ ಮನೆ ನಿರ್ಮಿಸಿಕೊಂಡವರಿಗೆ ಸಕ್ರಮ ಮಾಡಿಕೊಡಲು ತೀರ್ಮಾನ ಕೈಗೊಳ್ಳಲಾಗಿದೆ. 12 ವರ್ಷಕ್ಕಿಂತ ಹಿಂದೆ ಮನೆ ನಿರ್ಮಿಸಿಕೊಂಡವರಿಗೆ ದಂಡ ಪಾವತಿಸಿ ಸಕ್ರಮ ಮಾಡಿಕೊಳ್ಳಲು ಅವಕಾಶ ನೀಡಲಾಗಿದೆ.
20X30 ಅಳತೆಯ ನಿವೇಶನ ಹೊಂದಿದವರಿಗೆ ಮಾರ್ಗಸೂಚಿ ದರದ ಶೇಕಡ 10 ರಷ್ಟು, 30X40 ಅಳತೆಯ ನಿವೇಶನ ಹೊಂದಿದವರಿಗೆ ಮಾರ್ಗಸೂಚಿ ದರದ ಶೇಕಡ 20 ರಷ್ಟು, 40X60 ರಿಂದ 50X80 ನಿವೇಶನದವರಿಗೆ ಮಾರ್ಗಸೂಚಿ ದರದ ಶೇಕಡ 40 ರಷ್ಟು ದಂಡ ವಿಧಿಸಲಾಗುವುದು.
12 ವರ್ಷಕ್ಕಿಂತ ಇತ್ತೀಚೆಗೆ ನಿರ್ಮಿಸಿದ ಮನೆಗಳನ್ನು ಸಕ್ರಮ ಮಾಡುವುದಿಲ್ಲ. ಅದೇ ರೀತಿ ಖಾಲಿ ನಿವೇಶನಗಳನ್ನು ಸಕ್ರಮ ಮಾಡುವುದಿಲ್ಲ ಎಂದು ಹೇಳಲಾಗಿದೆ.