ಬ್ರೇಕಿಂಗ್ ನ್ಯೂಸ್: ನಟಿ ಸಂಜನಾ ಗಲ್ರಾಣಿ ಇನ್ನೋರ್ವ ಆಪ್ತ ಸಿಸಿಬಿ ಬಲೆಗೆ

ಬೆಂಗಳೂರು: ಸ್ಯಾಂಡಲ್ ವುಡ್ ಗೆ ಡ್ರಗ್ಸ್ ಜಾಲದ ನಂಟು ಪ್ರಕರಣಕ್ಕೆ ಸಂಬಂಧಿಸಿದಂತೆ ಇದೀಗ ನಟಿ ಸಂಜನಾ ಗಲ್ರಾಣಿಯ ಇನ್ನೋರ್ವ ಆಪ್ತನನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ.

ಡ್ರಗ್ ಪೆಡ್ಲರ್ ಆಗಿರುವ ಜೋಯಬ್ ಎಂಬಾತನನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದು, ಸಂಜನಾಗೆ ಈತನೇ ಡ್ರಗ್ಸ್ ಪೂರೈಸುತ್ತಿದ್ದ ಎಂದು ತಿಳಿದು ಬಂದಿದೆ.

ಬೆಂಗಳೂರಿನ ದೂಪನಹಳ್ಳಿ ಬಸ್ಟಾಪ್ ನಲ್ಲಿ ಜೋಯಬ್ ಡ್ರಗ್ಸ್ ರಿಸೀವ್ ಮಾಡುತ್ತಿದ್ದ. ಹೀಗೆ ಪಡೆದ ಡ್ರಗ್ಸ್ ನ್ನು ನಟಿ ಸಂಜನಾ ಹಾಗೂ ಹಲವು ರಾಜಕಾರಣಿ ಮಕ್ಕಳಿಗೆ, ಉದ್ಯಮಿಗಳಿಗೂ ನೀಡುತ್ತಿದ್ದ. ಈತ ಹಲವು ಪಾರ್ಟಿಗಳಿಗೂ ಡ್ರಗ್ಸ್ ಪೂರೈಸುತ್ತಿದ್ದ ಎಂದು ತಿಳಿದು ಬಂದಿದೆ.

ಇನ್ನು ಜೋಯಬ್ ಜೊತೆ ಇನ್ನೋರ್ವ ಆರೋಪಿ ಆನಂದ್ ಎಂಬಾತನನ್ನು ಕೂಡ ಸಿಸಿಬಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.