ಬೆಂಗಳೂರು: ಹಿರಿಯ ಪತ್ರಕರ್ತ ರವಿ ಬೆಳಗೆರೆ ನಿಧನ ಹಿನ್ನೆಲೆಯಲ್ಲಿ ತೀವ್ರ ಸಂತಾಪ ವ್ಯಕ್ತಪಡಿಸಿರುವ ಚಿತ್ರ ಸಾಹಿತಿ ಯೋಗರಾಜ್ ಭಟ್, ಮೊನ್ನೆಯಷ್ಟೇ ದೂರವಾಣಿಯಲ್ಲಿ ಮಾತನಾಡಿದ್ದೆ. ಈಗ ಅವರಿಲ್ಲ ಎಂಬುದು ಊಹಿಸಿಕೊಳ್ಳಲು ಆಗುತ್ತಿಲ್ಲ. ಸಾವು ಬಂದು ಕರೆದಾಗ ನಡಿ ಅತ್ಲಾಗೆ ಅಂತಾ ಹೊರಟು ಬಿಟ್ರೇನೋ ಎಂದು ದುಃಖ ವ್ಯಕ್ತಪಡಿಸಿದ್ದಾರೆ.
ರವಿ ಬೆಳಗೆರೆ ಅಂತಿಮ ದರ್ಶನ ಪಡೆದು ಮಾತನಾಡಿದ ಯೋಗರಾಜ್ ಭಟ್, ಮೊನ್ನೆಯಷ್ಟೇ ನನ್ನ ಸಿನಿಮಾ ಹಾಗೂ ಹಾಡಿನ ಬಗ್ಗೆ ಅವರೊಂದಿಗೆ ಚರ್ಚಿಸಿದ್ದೆ. ಕಾವ್ಯಾತ್ಮ ಆತ್ಮ ಅವರದ್ದು. ಸಂಗೀತವನ್ನು ತುಂಬಾ ಪ್ರೀತಿಸಿದ ಜೀವ ಅವರದ್ದು. ಓರ್ವ ಅಭಿಮಾನಿಯಾಗಿ ಹೇಳಬೇಕೆಂದರೆ ಇದು ಅವರ ಸಾವಲ್ಲ, ಹುಟ್ಟು ಎಂದು ಭಾವುಕರಾದರು.
ಧೈರ್ಯಕ್ಕೆ ಇನ್ನೊಂದು ಹೆಸರೆ ರವಿ ಬೆಳಗೆರೆ. ಅವರೊಬ್ಬ ಮಾದರಿ ಪತ್ರಕರ್ತ. ಮುಂದೆ ಅವರ ಬರಹಗಳ ಜೊತೆ ನಾವು ಕಾಲಕಳೆಯಬೇಕಷ್ಟೇ ಎಂದು ಹೇಳಿದರು.
Loading ...