ಬಾಲಿವುಡ್ ನಟಿ ಕಂಗನಾ ರಣಾವತ್ ಸೋಮವಾರ ಪದ್ಮಶ್ರೀ ಪ್ರಶಸ್ತಿಯನ್ನು ಸ್ವೀಕರಿಸಿದ್ದಾರೆ. ಗಾಯಕ ಅದ್ನಾನ್ ಸಾಮಿ, ನಿರ್ಮಾಪಕ ಕರಣ್ ಜೋಹರ್ ಹಾಗೂ ಏಕ್ತಾ ಕಪೂರ್ ಅವರ ಜೊತೆಯಲ್ಲಿ ಕಂಗನಾ ಕೂಡ ದೇಶದ ಅತ್ಯುನ್ನತ ಗೌರವಗಳಲ್ಲಿ ಒಂದಾದ ಪದ್ಮಶ್ರೀಯನ್ನು ಸ್ವೀಕರಿಸಿದ್ದಾರೆ.
ಈ ಕಾರ್ಯಕ್ರಮಕ್ಕೆ ನಟಿ ಕಂಗನಾ ಪ್ರಸಿದ್ಧ ಸಬ್ಯಸಾಚಿಯಿಂದ ತಯಾರಿಸಲಾದ ಸೀರೆಯನ್ನು ಧರಿಸಿದ್ದರು. ಈ ಸೀರೆಯು ಸದ್ಯ ಇಂಟರ್ನೆಟ್ನಲ್ಲಿ ಭಾರೀ ಸುದ್ದಿಯಲ್ಲಿದೆ.
ಕಂಗನಾ ಎಂದಿಗೂ ಸೀರೆಯನ್ನು ಪ್ರೀತಿಸುತ್ತಾರೆ. ಹೀಗಾಗಿ ಸಾಮಾನ್ಯವಾಗಿ ಎಲ್ಲಾ ಕಾರ್ಯಕ್ರಮಗಳಲ್ಲಿಯೂ ಸೀರೆಯಲ್ಲೇ ಕಾಣಿಸಿಕೊಳ್ತಾರೆ.
ಪದ್ಮಶ್ರೀ ಪ್ರಶಸ್ತಿ ಸ್ವೀಕಾರದ ವೇಳೆಯೂ ಬಂಗಾರ ಬಣ್ಣದ ಸೀರೆಯನ್ನು ಧರಿಸಿದ್ದರು. ಇದಕ್ಕೆ ಅತ್ಯಂತ ಸುಂದರವಾದ ಜುಮ್ಕಿಯನ್ನು ಧರಿಸಿದ್ದರು. ಈ ಆಭರಣ ಹಾಗೂ ಸೀರೆಗಳನ್ನು ಸಬ್ಯಸಾಚಿ ಮುಖರ್ಜಿ ಕಂಗನಾರಿಗಾಗಿ ವಿನ್ಯಾಸಗೊಳಿಸಿದ್ದರು.
ಕಂಗನಾರ ಫೋಟೋವನ್ನು ಡಿಸೈನರ್ ಸಬ್ಯಸಾಚಿ ತನ್ನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಶೇರ್ ಮಾಡಿದೆ. ಇದಾಗಿ ಕೆಲವೇ ನಿಮಿಷಗಳಲ್ಲಿ ಕಂಗನಾರ ಸೀರೆ ಹಾಗೂ ಆಭರಣಗಳಿಗೆ ಭಾರಿ ಡಿಮ್ಯಾಂಡ್ ಸೃಷ್ಟಿಯಾಗಿದೆ. ಅನೇಕರು ಕಂಗನಾರ ರೂಪವನ್ನು ಹಾಡಿಹೊಗಳಿದ್ದಾರೆ.
Loading ...