ಬಾಲಿವುಡ್ ಸಂಗೀತ ಕೇವಲ ಭಾರತಕ್ಕೆ ಸೀಮಿತವಾಗಿಲ್ಲ, ಟ್ರೆಂಡ್ ಆದ ಹಾಡುಗಳು ವಿದೇಶಿಯರ ಬಾಯಲ್ಲಿ ನಲಿಯುತ್ತದೆ, ಇಲ್ಲವೇ ಡ್ಯಾನ್ಸ್ ರೂಪದಲ್ಲಾದರೂ ಪ್ರತಿಕ್ರಿಯೆಯಾಗಿ ಬರುತ್ತದೆ.
ಶಾರುಖ್ ಖಾನ್, ಸೈಫ್ ಅಲಿ ಖಾನ್ ಮತ್ತು ಪ್ರೀತಿ ಜಿಂಟಾ ಅಭಿನಯದ 2003ರಲ್ಲಿ ತೆರೆಕಂಡ ಚಲನಚಿತ್ರ ‘ಕಲ್ ಹೋ ನಾ ಹೋ’ ಹಾಡು ಲಕ್ಷಾಂತರ ಜನರಿಗೆ ಪ್ರಿಯವಾಗಿದೆ. ಈಗಲೂ ಸಹ ಟ್ರೆಂಡ್ನಲ್ಲಿದೆ.
ಯುಎಸ್ ನೌಕಾಪಡೆಯ ಅಧಿಕಾರಿಗಳು ಆ ಹಾಡನ್ನು ಹಾಡಿದ್ದು, ಅದು ನಿರ್ಮಾಪಕ ಕರಣ್ ಜೋಹರ್ ಗಮನ ಸೆಳೆದಿದೆ. ಅವರು ತಮ್ಮ ಅಧಿಕೃತ ಟ್ವಿಟರ್ ಹ್ಯಾಂಡಲ್ನಲ್ಲಿ ವಿಡಿಯೊವನ್ನು ರೀ ಪೋಸ್ಟ್ ಮಾಡಿದ್ದಾರೆ.
ಶಾರುಖ್ ಖಾನ್, ನಿರ್ದೇಶಕ ನಿಖಿಲ್ ಅಡ್ವಾಣಿ ಹಾಗೂ ಗೀತರಚನೆಕಾರ ಜಾವೇದ್ ಅಖ್ತರ್ ಮತ್ತು ಸಂಯೋಜಕರಾದ ಶಂಕರ್ ಮಹಾದೇವನ್, ಎಹ್ಸಾನ್ ನೂರಾನಿ ಮತ್ತು ಲಾಯ್ ಮೆಂಡೋನ್ಸಾ ಅವರನ್ನು ಟ್ಯಾಗ್ ಮಾಡಿ, ಹಾಡು ಜೀವಂತವಾಗಿದೆ ಎಂದು ಶೀರ್ಷಿಕೆಯಲ್ಲಿ ಬರೆದಿದ್ದಾರೆ.
ಆ ಸಣ್ಣ ಕ್ಲಿಪ್ನಲ್ಲಿಯುಎಸ್ ನೌಕಾಪಡೆಯ ಹಲವು ಅಧಿಕಾರಿಗಳು ‘ಕಲ್ ಹೋ ನಾ ಹೋ’ ಹಾಡುವುದು ಕಂಡುಬಂದರೆ ಕೆಲವರು ಗಿಟಾರ್ ನುಡಿಸಿದ್ದರು.
ಯುಎಸ್ ಕಾರ್ಯದರ್ಶಿ ನೌಕಾಪಡೆಯ ಬೋಟ್ನಲ್ಲಿ ಆಯೋಜಿಸಿದ್ದ ಭೋಜನದ ಸಮಯದಲ್ಲಿ ವಿಡಿಯೊವನ್ನು ರೆಕಾರ್ಡ್ ಮಾಡಿಕೊಳ್ಳಲಾಗಿದೆ.