ಹೊಸ ವಿನ್ಯಾಸದ ಜಿಯೋ ಗ್ಲಾಸ್​ಗೆ ಜನರು ಫಿದಾ; ಇಲ್ಲಿದೆ ಇದರ ವಿಶೇಷತೆ

ಪ್ರಗತಿ ಮೈದಾನದಲ್ಲಿರುವ ಭಾರತ ಮಂಟಪದಲ್ಲಿ ಈ ಬಾರಿಯ ಇಂಡಿಯಾ ಮೊಬೈಲ್​ ಕಾಂಗ್ರೆಸ್​ಗೆ ಪ್ರಧಾನಿ ಮೋದಿ ಚಾಲನೆ ನೀಡಿದ್ದಾರೆ. ಇನ್ನು ಈ ಪ್ರದರ್ಶನದಲ್ಲಿ ಕಂಡ ಅತೀದೊಡ್ಡ ಜಿಯೋಬೂತ್​ ಎಲ್ಲರ ಗಮನ ಸೆಳೆದಿದೆ. ಬೂತ್​​ನಲ್ಲಿದ್ದ ವಿವಿಧ ಡೆಮೋಗಳಲ್ಲಿ ಜಿಯೋಗ್ಲಾಸ್​​​ ಎಲ್ಲರ ಆಕರ್ಷಣೆಯಾಗಿದೆ. ಭಾರತೀಯ ಕಂಪನಿಯಿಂದ ಈ ವರ್ಷ ಹೊರಬಂದ ಅತ್ಯಾಕರ್ಷಕ ಉತ್ಪನ್ನಗಳಲ್ಲಿ ಇದು ಒಂದಾಗಿದೆ.

ಈ ಸ್ಮಾರ್ಟ್ ಗ್ಲಾಸ್​ನ್ನು ಮೊಬೈಲ್​ನೊಂದಿಗೆ ಕನೆಕ್ಟ್​ ಮಾಡಬಹುದಾಗಿದೆ. ಈ ಮೂಲಕ ಮೊಬೈಲ್​ ಸ್ಕ್ರೀನ್​ನ್ನು ಈ 100 ಇಂಚಿನ ವರ್ಚುವಲ್​ ಸ್ಕ್ರೀನ್​ನಲ್ಲಿ ಕಾಣಬಹುದಾಗಿದೆ.

JioGlass 2019 ರಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (RIL) ಸ್ವಾಧೀನಪಡಿಸಿಕೊಂಡಿರುವ ಡೀಪ್-ಟೆಕ್ ಸ್ಟಾರ್ಟ್ಅಪ್ ಟೆಸ್ಸೆರಾಕ್ಟ್‌ನ ಉತ್ಪನ್ನವಾಗಿದೆ. ಸ್ಮಾರ್ಟ್ ಕನ್ನಡಕ. JioGlass ಅವರ ಪ್ರಮುಖ ಉತ್ಪನ್ನವಾಗಿದೆ ಮತ್ತು ‘ಮೇಕ್ ಇನ್ ಇಂಡಿಯಾ’ ದೃಷ್ಟಿಕೋನವನ್ನು ಬೆಂಬಲಿಸಲು ಭಾರತದಲ್ಲಿ ಹೆಮ್ಮೆಯಿಂದ ತಯಾರಿಸಲಾಗುತ್ತದೆ.

ಈ ಕನ್ನಡಕವು ಕೇವಲ 69 ಗ್ರಾಂ ತೂಕವನ್ನು ಹೊಂದಿದೆ. ಎರಡು ಲೆನ್ಸ್​ ಹೊಂದಿರುವ ಈ ಕನ್ನಡಕದ ಮೂಲಕ ನೀವು ಮೊಬೈಲ್​ ಸ್ಕ್ರೀನ್​ನ್ನು ಸಂಪೂರ್ಣವಾಗಿ ಕಾಣಬಹುದಾಗಿದೆ. ಇದು ನಿಮಗೆ ಒಂದು ರೀತಿಯಲ್ಲಿ ತ್ರಿಡಿ ಅನುಭವವನ್ನು ನೀಡುತ್ತದೆ.

ಹೊರ ಜಗತ್ತಿನ ಅರಿವೇ ಇಲ್ಲದಂತೆ ನೀವು ಮೊಬೈಲ್​ ಸ್ಕ್ರೀನ್​ನ್ನು ನೋಡಬಹುದಾಗಿದೆ. ಇದು ಸಿನಿಮಾಗಳಂತಹ ಮನರಂಜನೆಯ ವಿಡಿಯೋಗಳನ್ನು ನೋಡಲು ಅತ್ಯಂತ ಉಪಯುಕ್ತವಾಗಿದೆ. ನೀವು ಸಂಪೂರ್ಣ ಸ್ಕ್ರೀನ್​ನಲ್ಲಿಯೇ ತಲ್ಲೀನರಾಗೋದ್ರಿಂದ ವಿದ್ಯಾರ್ಥಿಗಳು ಡಿಜಿಟಲ್​ ಕ್ಲಾಸ್​ಗಳನ್ನು ಇದರ ಮೂಲಕ ಅಟೆಂಡ್​ ಮಾಡಿದರೆ ಏಕಾಗ್ರತೆಗೆ ಯಾವುದೇ ಭಂಗ ಇರೋದಿಲ್ಲ.