ಬೆಳ್ಳಂ ಬೆಳಗ್ಗೆಯೇ ರೈಲ್ವೆ ಹಳಿಯೊಂದರಲ್ಲಿ ರಹಸ್ಯ ಸ್ಫೋಟವುಂಟಾದ ಘಟನೆಯೊಂದು ಜಾರ್ಖಂಡ್ನ ಧನ್ಬಾದ್ನಲ್ಲಿ ನಡೆದಿದೆ. ಸ್ಫೋಟದಿಂದ ರೈಲ್ವೆ ಹಳಿ ಒಂದು ಭಾಗ ಹಾನಿಯಾಗಿದೆ ಹಾಗೂ ಡೀಸೆಲ್ ಇಂಜಿನ್ ಹಳಿ ತಪ್ಪಿದೆ ಎನ್ನಲಾಗಿದೆ.
ಪ್ರಕರಣ ಸಂಬಂಧ ಪತ್ರಿಕಾ ಪ್ರಕಟಣೆ ಹೊರಡಿಸಿರುವ ರೈಲ್ವೆ ಇಲಾಖೆ, ಧನ್ಬಾದ್ ವಿಭಾಗದ ಗರ್ವಾ ರಸ್ತೆ ಹಾಗೂ ಬರ್ಕಾನಾ ವಿಭಾಗದ ನಡುವೆ ಸಂಭವಿಸಿದ ಘಟನೆಯು ಬಾಂಬ್ ಸ್ಪೋಟದಿಂದ ಉಂಟಾಗಿದೆ ಎಂದು ಹೇಳಿದೆ.
ರೈಲ್ವೆ ಹಳಿಯಲ್ಲಿ ದುಷ್ಕರ್ಮಿಯು ಬಾಂಬ್ ಸ್ಫೋಟಿಸಿದ್ದು ಇದರಿಂದಾಗಿ ಡಿಸೇಲ್ ಲೋಕೋ ಹಳಿ ತಪ್ಪಿದೆ ಎಂದು ರೈಲ್ವೆ ಇಲಾಖೆ ಹೇಳಿದೆ. ಈ ಬಾಂಬ್ ಸ್ಪೋಟದ ಹಿಂದೆ ನಕ್ಸಲ್ ಕೈವಾಡ ಇದೆ ಎಂದು ಉನ್ನತ ಮೂಲಗಳು ಮಾಹಿತಿ ನೀಡಿವೆ.
ವಿಷಯ ತಿಳಿಯುತ್ತಿದ್ದಂತೆಯೇ ಸ್ಥಳಕ್ಕೆ ಧಾವಿಸಿದ ಪೊಲೀಸ್ ಅಧಿಕಾರಿಗಳು ಪರಿಶೀಲನೆ ಮುಂದುವರಿಸಿದ್ದಾರೆ.
Loading ...