2019 ಡಿಸೆಂಬರ್ನಿಂದ ಶುರುವಾದ ಕೊರೊನಾ ಮಾರಿ ನಾನಾ ರೂಪಗಳನ್ನು ತಾಳುತ್ತಿದೆಯೇ ಹೊರತು ಪ್ರಪಂಚವನ್ನು ಬಿಟ್ಟು ಹೋಗುವ ಹಾಗೆ ಕಾಣುತ್ತಿಲ್ಲ. ಕೋವಿಡ್ ವಾಸಿ ಮಾಡಲು ವಿಜ್ಞಾನಿಗಳು ಕೊರೊನಾ ಲಸಿಕೆ, ಬೂಸ್ಟರ್ ಶಾಟ್ ಹೀಗೆ ನಾನಾ ಸಂಶೋಧನೆಗಳಲ್ಲಿ ಬ್ಯುಸಿ ಆಗಿದ್ದಾರೆ. ಇದೀಗ ಜಪಾನ್ನ ಸಂಶೋಧಕರು ಕೊರೊನಾ ಸೋಂಕನ್ನು ಕಂಡುಹಿಡಿಯಬಲ್ಲ ಮಾಸ್ಕ್ ಒಂದನ್ನು ಅಭಿವೃದ್ಧಿ ಪಡಿಸಿದ್ದಾರೆ.
ಪಶ್ಚಿಮ ಜಪಾನ್ನ ಕ್ಯೋಟೋ ಪ್ರಿಫೆಕ್ಚುರಲ್ ಯೂನಿವರ್ಸಿಟಿಯಲ್ಲಿರುವ ಯುಶಿರೋ ಸುಕಾಮೊಟೋ ಹಾಗೂ ಅವರ ತಂಡ ಆಸ್ಟ್ರಿಚ್ ಆ್ಯಂಟಿಬಾಡಿಗಳನ್ನು ಹೊಂದಿರುವ ಮಾಸ್ಕ್ನ್ನು ಅಭಿವೃದ್ಧಿಪಡಿಸಿದ್ದಾರೆ. ಈ ಹಿಂದಿನ ಅಧ್ಯಯನಗಳು ಆಸ್ಟ್ರಿಚ್ಗಳು ಈ ವೈರಸ್ನ ವಿರುದ್ಧ ಹೆಚ್ಚಿನ ಪ್ರತಿರೋಧಕಗಳನ್ನು ಹೊಂದಿದೆ ಎಂಬುದು ಸಾಬೀತಾಗಿದೆ.
ಸಂಶೋಧಕರು ಆಸ್ಟ್ರಿಚ್ಗಳ ಆ್ಯಂಟಿಬಾಡಿಗಳಿಂದ ಮಾಡಲಾದ ಮಾಸ್ಕ್ಗಳನ್ನು ಎಂಟು ಗಂಟೆಗಳ ಕಾಲ ಧರಿಸಲು ನೀಡಿದ ಬಳಿಕ ಮಾಸ್ಕ್ನ್ನು ವಾಪಸ್ ಪಡೆದರು. ಬಳಿಕ ಮಾಸ್ಕ್ನಲ್ಲಿದ್ದ ಫಿಲ್ಟರ್ನ್ನು ತೆಗೆದು ಹಾಕಲಾಯ್ತು. ಇದೀಗ ಮಾಸ್ಕ್ ಮೇಲ್ಮೈನಲ್ಲಿ ವೈರಸ್ ಇದ್ದರೆ ನೇರಳಾತೀತ ಬೆಳಕಿನ ಅಡಿಯಲ್ಲಿ ಅದು ಹೊಳೆಯುವಂತೆ ಮಾಡಲು ರಾಸಾಯನಿಕವನ್ನು ಸಿಂಪಡಣೆ ಮಾಡಲಾಗಿದೆ.
ಈ ಬೆಳಕಿನ ಅಡಿಯಲ್ಲಿ ಕೋವಿಡ್ ಪಾಸಿಟಿವ್ ಹೊಂದಿರುವ ವ್ಯಕ್ತಿಗಳು ಧರಿಸಿದ್ದ ಫಿಲ್ಟರ್ನ ಮೂಗು ಹಾಗೂ ಬಾಯಿಯ ಭಾಗದಲ್ಲಿ ಹೊಳೆಯುವ ಅಂಶವು ಪತ್ತೆಯಾಗಿದೆ.
Loading ...