ಈ ಪಾಲಿಸಿಯಲ್ಲಿ ಹೂಡಿಕೆ ಮಾಡಿದ್ರೆ ಕೇವಲ 4 ವರ್ಷಗಳಲ್ಲಿ ಆಗಬಹುದು ಕೋಟ್ಯಾಧಿಪತಿ…!

ವಿಮಾ ಯೋಜನೆಗಳನ್ನು ಆಯ್ಕೆ ಮಾಡುವಾಗ ಸಾಮಾನ್ಯವಾಗಿ ಜನರ ಮೊದಲ ಆದ್ಯತೆ ಎಲ್ಐಸಿಯಾಗಿರುತ್ತದೆ. ದೇಶವಾಸಿಗಳಲ್ಲಿ ಎಲ್​ಐಸಿ ಜೊತೆಗೆ ಒಂದು ಭಾವನಾತ್ಮಕ ಸಂಬಂಧವಿದೆ.

ಎಲ್​ಐಸಿಯು ನಿರ್ದಿಷ್ಟ ಗುಂಪಿನ ಜನರಿಗಾಗಿ ವಿಶೇಷ ಯೋಜನೆಗಳನ್ನು ತರುತ್ತಲೇ ಇರುತ್ತದೆ. ಎಲ್ಲಾ ವಯಸ್ಸಿನವರಿಗೂ ವಿವಿಧ ವಿಮಾ ಆಯ್ಕೆಗಳನ್ನು ನೀಡುತ್ತದೆ. ನಿಗಮವು ಪರಿಚಯಿಸಿದ ಅತ್ಯಂತ ಪ್ರಯೋಜನಕಾರಿ ಪಾಲಿಸಿಗಳಲ್ಲಿ ಎಲ್​ಐಸಿ ಜೀವನ್​ ಶಿರೋಮಣಿ ಪ್ರಮುಖವಾದದ್ದು.

ಜೀವನ್​ ಶಿರೋಮಣಿ ಪಾಲಿಸಿಯು ರೂ. 1 ಕೋಟಿಯ ಮೂಲ ವಿಮಾ ಮೊತ್ತವನ್ನು ಒದಗಿಸುತ್ತದೆ, ಮತ್ತು ಪಾಲಿಸಿದಾರರು ಲಾಭವನ್ನು ಪಡೆಯುವ ಮೊದಲು ಕೇವಲ ನಾಲ್ಕು ವರ್ಷಗಳವರೆಗೆ ಈ ಪಾಲಿಸಿಯಲ್ಲಿ ಹೂಡಿಕೆ ಮಾಡಿರಬೇಕಾಗುತ್ತದೆ.

ಇದು ಸೀಮಿತ ಪ್ರೀಮಿಯಂ ಪಾವತಿಯ ಮನಿ ಬ್ಯಾಕ್​ ನೀಡುತ್ತದೆ. ನಿರ್ದಿಷ್ಟವಾಗಿ ಹೆಚ್ಚಿನ ಹೈ ನೆಟ್​ ವರ್ತ್​ ಕೆಟಗರಿಗೆ ಸೇರಿದವರಿಗಾಗಿ ರೂಪಿಸಲಾಗಿದೆ. ಈ ಪಾಲಿಸಿಯು ನಾಲ್ಕು ಮೆಚುರಿಟಿಗಳನ್ನು ಹೊಂದಿದೆ. 14, 16, 18 ಮತ್ತು 20 ವರ್ಷಗಳಂತೆ ಗುರುತಿಸಲಾಗಿದೆ. ಪಾಲಿಸಿದಾರರು ಮಾಸಿಕ ಪ್ರೀಮಿಯಂ ಸುಮಾರು 94,000 ರೂ. ಪಾವತಿಸಿದರೆ ಹೆಚ್ಚಿನ ಬೆನಿಫಿಟ್​ ಪಡೆಯುವರು.

ಯೋಜನೆಗೆ ಅರ್ಹರಾಗಲು ಕನಿಷ್ಠ ವಯಸ್ಸು 18 ಆಗಿರಬೇಕು. 14 ವರ್ಷಗಳ ಪಾಲಿಸಿ ನಿಯಮಕ್ಕಾದರೆ ಗರಿಷ್ಠ ವಯೋಮಿತಿ 55 ವರ್ಷಗಳು. ಇದೇ ರೀತಿ 16 , 18 ವರ್ಷಗಳ ಅವಧಿಗೆ ವಯೋಮಿತಿ ಬದಲಾಗುತ್ತದೆ. ಹೆಚ್ಚಿನ ಮಾಹಿತಿಗೆ ಎಲ್​ಐಸಿಯನ್ನು ಸಂಪರ್ಕಿಸಬಹುದು.