ತಮ್ಮ ಟ್ರಾವೆಲ್ ಬ್ಲಾಗ್ ಮೂಲಕ ಯುಟ್ಯೂಬ್ನಲ್ಲಿ ಸದ್ದು ಮಾಡ್ತಿರುವ ಕಾರ್ಲ್ ರಾಕ್ ಬಗ್ಗೆ ನಿಮಗೆ ಗೊತ್ತೇ ಇರಬಹುದು. ಸದ್ಯ ಪಾಕಿಸ್ತಾನದಲ್ಲಿ ಪ್ರವಾಸ ಕೈಗೊಂಡಿದ್ದ ಈ ಪ್ರಸಿದ್ಧ ಯುಟ್ಯೂಬರ್ ಭಾರತಕ್ಕೆ ಸಂಬಂಧಿಸಿದ ವಿಡಿಯೋವೊಂದನ್ನ ಪೋಸ್ಟ್ ಮಾಡಿದ್ದಾರೆ.
ಪಾಕಿಸ್ತಾನದಲ್ಲಿ ಪ್ರವಾಸ ಕೈಗೊಂಡಿದ್ದ ವೇಳೆ ಕಾರ್ಲ್ ರಾಕ್ 11 ವರ್ಷದ ಪಾಕಿಸ್ತಾನಿ ಬಾಲಕನ ಸಂದರ್ಶನ ಮಾಡಿದ್ದು ಆತನ ಮಾತುಗಳು ಭಾರತೀಯರ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ.
ಲಾಹೋರ್ನಲ್ಲಿ ತಂದೆ ಜೊತೆ ಫುಡ್ ಸ್ಟಾಲ್ನಲ್ಲಿ ಇದ್ದ ಬಾಲಕನ ಬಳಿ ಭಾರತದ ಬಗೆಗಿನ ಅಭಿಪ್ರಾಯವನ್ನ ಹೇಳಿ ಅಂದಾಗ ಆತ, ಎಲ್ಲಾ ಕಡೆಯೂ ಒಳ್ಳೆ ಜನ ಹಾಗೂ ಕೆಟ್ಟ ಜನರು ಇರ್ತಾರೆ. ಹಾಗಾಗಿ ನಾವು ಯಾರನ್ನೂ ಹೀಗೆ ಎಂದು ಜಡ್ಜ್ ಮಾಡೋಕೆ ಆಗಲ್ಲ ಎಂದು ಹೇಳಿದ್ದಾನೆ. ಇದಕ್ಕೆ ರಾಕ್ ಕೂಡ ಈ ಮಾತು ಸರಿ ಇದೆ ಎಂದು ತಲೆ ಆಡಿಸಿದ್ದಾರೆ.
ಅಂದಹಾಗೆ ಈ ಟ್ರಾವೆಲ್ಲರ್ ರಾಕ್ಗೂ ಭಾರತದ ನಡುವೆಯೂ ಒಂದು ವಿಶೇಷವಾದ ಸಂಬಂಧವಿದೆ. ಪ್ರಸ್ತುತ ಭಾರತದಲ್ಲೇ ಇರೋ ರಾಕ್, ಭಾರತದ ಹುಡುಗಿಯನ್ನೇ ವಿವಾಹವಾಗಿದ್ದಾರೆ. ಪಾಕಿಸ್ತಾನಕ್ಕೆ ಪ್ರವಾಸ ಕೈಗೊಂಡಿರುವ ರಾಕ್ ತಮ್ಮ ಯುಟ್ಯೂಬ್ ಚಾನೆಲ್ ಪ್ರತಿದಿನ ಪಾಕ್ ಪ್ರವಾಸದ ಅನುಭವಗಳನ್ನ ಶೇರ್ ಮಾಡ್ತಾನೇ ಇರ್ತಾರೆ.
Loading ...