ಮನುಕುಲದ ಪಾಲಿಗೆ 2020 ಅತ್ಯಂತ ಕಠಿಣ ವರ್ಷವಾಗಿದ್ದು, ಬಹಳಷ್ಟು ಜನರ ಪ್ರೀತಿಪಾತ್ರರನ್ನು ಕಿತ್ತುಕೊಂಡ ಕೊರೊನಾ ವೈರಸ್ ಕಾಟ ಇನ್ನೂ ಮುಗಿದಿಲ್ಲ. ಇದೀಗ 2021 ಆರಂಭಗೊಂಡಿದ್ದು, ಈ ವರ್ಷವಾದರೂ ಎಲ್ಲ ಸರಿಹೋಗಲಿ ಎಂದು ಜನರು ಆಶಿಸುತ್ತಿದ್ದಾರೆ.
ಜನರಲ್ಲಿ ಹೊಸ ಭರವಸೆ ಮೂಡಿಸುವ ಪ್ರಯತ್ನವೊಂದರಲ್ಲಿ ಯೂಟ್ಯೂಬರ್ ಒಬ್ಬರು ದಾರಿಯಲ್ಲಿ ಸಿಕ್ಕ ಅಪರಿಚಿತರಿಗೆ $2021 ಕೊಡುವ ಮೂಲಕ ಅವರ ಮೊಗದಲ್ಲಿ ಮಂದಹಾಸ ಮೂಡಿಸಲು ಯತ್ನಿಸಿದ್ದಾರೆ.
ಪ್ರಾಂಕ್‌ಗಳು ಹಾಗೂ ಸಾಮಾಜಿಕ ಪ್ರಯೋಗಗಳನ್ನು ಮಾಡುವ ಜನಪ್ರಿಯ ಯೂಟ್ಯೂಬ್ ಚಾನೆಲ್ ಒಂದರ ನಿಯಂತ್ರಕ ಜುವಾನ್ ಗೊನ್ಝಾಲೆಜ್ ಈ ಕೆಲಸಕ್ಕೆ ಮುಂದಾಗಿದ್ದಾರೆ. ತಮ್ಮ ಕೈಂಕರ್ಯದ ವಿಡಿಯೋವನ್ನು ಪೋಸ್ಟ್ ಮಾಡಿರುವ ಜುವಾನ್, “ಹೊಸ ವರ್ಷ ಆರಂಭಿಸಲು ಜನರಿಗೆ $2021 ಕೊಡುತ್ತಿದ್ದೇನೆ,” ಎಂದು ಕ್ಯಾಪ್ಷನ್ ಹಾಕಿದ್ದಾರೆ. ಜುವಾನ್‌ರ ಈ ಹೃದಯ ವೈಶಾಲ್ಯತೆಯನ್ನು ನೆಟ್ಟಿಗರು ಮೆಚ್ಚಿಕೊಂಡಾಡಿದ್ದಾರೆ.
ಈ ಹಿಂದೆ ಇದೇ ಯೂಟ್ಯೂಬರ್, ಬಸ್‌ ನಿಲ್ದಾಣದಲ್ಲಿ ಬಸ್‌ ಗಾಗಿ ಕಾಯುತ್ತಿದ್ದವರಿಗೆ ಕಾರನ್ನೇ ಗಿಫ್ಟ್‌ ಆಗಿ ಸುದ್ದಿಯಾಗಿದ್ದರು.
Loading ...