ತಮ್ಮ ಪಾಪ್ ಸಾಂಗ್ಗಳ ಮೂಲಕವೇ ಬಹಳ ಚಿಕ್ಕ ವಯಸ್ಸಿನಲ್ಲೇ ಸಾಕಷ್ಟು ಪ್ರಶಸ್ತಿಗಳನ್ನ ಬಾಚಿಕೊಂಡಿರುವ ಅಮೆರಿಕದ ಗಾಯಕಿ ಹಾಗೂ ಕವನ ಬರಹಗಾರ್ತಿ ಬಿಲ್ಲಿ ಎಲಿಶ್ಗೆ ಯುಟ್ಯೂಬ್ ಮತ್ತೊಂದು ಕೀರ್ತಿಯನ್ನ ತಂದುಕೊಟ್ಟಿದೆ.
ಬೆಲ್ಲಿ ಎಲ್ಲಿಶ್ರ ಪ್ರಸಿದ್ಧ ಪಾಪ್ ಸಂಗೀತದಲ್ಲೊಂದಾದ ಬ್ಯಾಡ್ ಗಯ್ ಎಂಬ ಹಾಡನ್ನ ನೀವು ಕೇಳಿರ್ತಿರಾ. ಯುಟ್ಯೂಬ್ನಲ್ಲಿಲಿ ಬಿಲಿಯನ್ಗಟ್ಟಲೇ ವೀವ್ಸ್ ಹಾಗೂ ಲೈಕ್ಸ್ ಪಡೆದಿರುವ ಬಿಲ್ಲಿ ಎಲಿಶ್ರ ಈ ಹಾಡು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಸೌಂಡ್ ಮಾಡಿತ್ತು.
ಎಷ್ಟರ ಮಟ್ಟಿಗೆ ಈ ಹಾಡು ಫೇಮಸ್ ಆಗಿತ್ತು ಅಂದರೆ ಈ ಹಾಡಿನ ಟ್ಯೂನ್ ಬಳಸಿಕೊಂಡು ಅನೇಕರು ಅವರದ್ದೇ ಶೈಲಿಯಲ್ಲಿ ಪ್ರತಿಭೆ ಪ್ರದರ್ಶಿಸಿದ್ದರು. ಕೆಲವರು ಸಂಗೀತ ಸಾಧನಗಳ ಮೂಲಕ ಹಾಡಿನ ಟ್ಯೂನ್ ಕೇಳಿಸಿದ್ರೆ….ಇನ್ನು ಕೆಲವರು ಬೆಲ್ಲಿ ಎಲಿಶ್ರಂತೆ ಹಾಡಲು ಯತ್ನಿಸಿದ್ದರು. ನೃತ್ಯಪಟುಗಳ ಈ ಹಾಡಿಗೆ ಹೆಜ್ಜೆ ಹಾಕಿದ್ದು ಇವೆಲ್ಲ ವಿಡಿಯೋಗಳು ಯುಟ್ಯೂಬ್ನಲ್ಲಿ ಹರಿದಾಡುತ್ತಿದೆ.
ಬ್ಯಾಡ್ ಗೈನ ಜನಪ್ರಿಯತೆ ಕಂಡ ಯು ಟ್ಯೂಬ್ ಹಾಗೂ ಗೂಗಲ್ ಕ್ರಿಯೆಟಿವ್ ಲ್ಯಾಬ್ ಸಾಮಾನ್ಯ ಜನತೆ ಮಾಡಿದ ಬ್ಯಾಡ್ ಗೈ ಸಂಗೀತ, ನೃತ್ಯ, ಗಾಯನ ಎಲ್ಲವನ್ನ ಬಳಸಿಕೊಂಡು ಇನ್ಫನೈಟ್ ಬ್ಯಾಡ್ ಗೈ ಎಂಬ ವಿಡಿಯೋ ಅಪ್ಲೋಡ್ ಮಾಡಿದೆ.
ಅಲ್ಲದೇ ಇದನ್ನ ವಿಶ್ವದ ಮೊದಲ ಅನಂತ ಸಂಗೀತದ ವಿಡಿಯೋ ಎಂದೂ ಬಣ್ಣಿಸಲಾಗಿದೆ. ಸಾಮಾನ್ಯ ಜನತೆ ಮಾಡಿದ ಪ್ರಯತ್ನಗಳ ಸಣ್ಣ ಕ್ಲಿಪ್ ಬಳಸಿ ಈ ವಿಡಿಯೋವನ್ನ ತಯಾರಿಸಲಾಗಿದೆ. ಯು ಟ್ಯೂಬ್ನಲ್ಲಿ ಇನ್ಫೈನೈಟ್ ಬ್ಯಾಡ್ ಗೈ ಎಂದು ಸರ್ಚ್ ಕೊಟ್ಟರೆ ಯುಟ್ಯೂಬ್ ತಯಾರಿಸಿರುವ ವಿಡಿಯೋ ನಿಮಗೆ ಕಾಣಸಿಗಲಿದೆ.
Loading ...