ಅಮೆರಿಕದ ಮೊದಲ ಮಹಿಳಾ ಉಪಾಧ್ಯಕ್ಷೆಯಾಗಿ ಅಧಿಕಾರ ಸ್ವೀಕರಿಸುವ ಮೂಲಕ ಭಾರತೀಯ ಮೂಲದ ಕಮಲಾ ಹ್ಯಾರಿಸ್ ಇತಿಹಾಸವನ್ನ ರಚಿಸಿದ್ದಾರೆ. ತಮ್ಮ ಈ ಸಾಧನೆಗೆ ತಾಯಿಯೇ ಸ್ಪೂರ್ತಿ ಎಂದಿರುವ ಕಮಲಾ ಹ್ಯಾರಿಸ್, ನಮ್ಮ ತಾಯಿ ಎಂದಿಗೂ ಹೇಳುತ್ತಿದ್ದುದು ಒಂದೇ ಮಾತು : ನಾವು ಮೊದಲನೇ ಸ್ಥಾನಕ್ಕೆ ಏರಬಹುದು. ಆದರೆ ಎಂದಿಗೂ ಕೊನೆಯ ಸ್ಥಾನದಲ್ಲಿ ನಿಲ್ಲದಂತೆ ನೋಡಿಕೊಳ್ಳಿ ಅಂತಾ ಹೇಳಿದ್ದರು ಎಂದಿದ್ದಾರೆ.
ವಿಧಿವಶರಾದ ತಮ್ಮ ತಾಯಿ ಶ್ಯಾಮಲಾ ಗೋಪಾಲನ್ರನ್ನ ನೆನೆದ ಕಮಲಾ ಹ್ಯಾರಿಸ್, ನನ್ನ ಜೀವನದ ಉದ್ದಕ್ಕೂ ನನ್ನ ತಾಯಿ ಕಲಿಸಿದ ಆದರ್ಶಗಳನ್ನೇ ಇಟ್ಟುಕೊಂಡು ಬಂದಿದ್ದೇನೆ. ಅಮೆರಿಕದ ಮೊದಲ ಮಹಿಳಾ ಡಿಸ್ಟ್ರಿಕ್ಟ್ ಅಟಾರ್ನಿಯಿಂದ ಹಿಡಿದು ಕ್ಯಾಲಿಫೋರ್ನಿಯಾದ ಮೊದಲ ಮಹಿಳಾ ಅಟರ್ನಿ ಜನರಲ್ ಆಗುವಲ್ಲಿಯೂ ನನಗೆ ತಾಯಿಯ ಆದರ್ಶಗಳೇ ಸ್ಪೂರ್ತಿಯಾಗಿದ್ದವು ಎಂದು ಹೇಳಿದ್ದಾರೆ.
56 ವರ್ಷದ ಕಮಲಾ ಹ್ಯಾರಿಸ್ ಅಮೆರಿಕದ ಮೊದಲ ಮಹಿಳಾ ಉಪಾಧ್ಯಕ್ಷೆ ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ. ಮಾತ್ರವಲ್ಲದೇ ಅಮೆರಿಕ ಅಧ್ಯಕ್ಷೆಯಾದ ಮೊದಲ ದಕ್ಷಿಣ ಏಷಿಯಾ ಮೂಲದ ಕಪ್ಪು ಮಹಿಳೆ ಎಂಬ ಸಾಧನೆಯನ್ನೂ ಮಾಡಿದ್ದಾರೆ.
ನನ್ನ ಕತೆ ಅಮೆರಿಕದ ಅದೆಷ್ಟೋ ಮಿಲಿಯನ್ಗಟ್ಟಲೇ ಜನರ ಕತೆಯಂತೆಯೇ ಇದೆ. ನನ್ನ ತಾಯಿ ಶ್ಯಾಮಲಾ ಗೋಪಾಲನ್ ಭಾರತ ಮೂಲದವರು. ನಾನು ಹಾಗೂ ನನ್ನ ಸಹೋದರಿಗೆ ಮಾಯಾಗೆ ನಮ್ಮ ತಾಯಿ ಕೊನೆಯ ಸ್ಥಾನದಲ್ಲಿ ನಿಲ್ಲೋದನ್ನ ಕಲಿಸಿಯೇ ಇಲ್ಲ ಎಂದು ನೆನೆದ್ರು. ಅಮೆರಿಕ ಉಪಾಧ್ಯಕ್ಷೆಯಾಗಿ ಪ್ರಮಾಣ ವಚನ ಸ್ವೀಕರಿಸುವ ಮುನ್ನ ಟ್ವಿಟರ್ನಲ್ಲಿ ವಿಡಿಯೋ ಶೇರ್ ಮಾಡಿದ್ದ ಹ್ಯಾರಿಸ್ ಈ ಎಲ್ಲಾ ವಿಚಾರಗಳನ್ನ ಹಂಚಿಕೊಂಡಿದ್ದಾರೆ.
Loading ...