ಯಾವುದೇ ಕೆಲಸದ ಸಂದರ್ಶನಕ್ಕೆ ಹಾಜರಾಗುವ ಮುನ್ನ ನಿಮ್ಮ ರೆಸ್ಯೂಮ್ನ್ನ ತಯಾರು ಮಾಡಿಕೊಳ್ಳಬೇಕಾಗುತ್ತೆ. ಈ ರೆಸ್ಯೂಮ್ನಲ್ಲಿ ಯಾವುದೇ ತಪ್ಪಾಗದಂತೆ ನೋಡಿಕೊಳ್ಳಬೇಕು ಅಂತಾ ಅನೇಕರು ಎರಡ್ಮೂರು ಬಾರಿ ರೆಸ್ಯೂಮ್ನ್ನ ಪರೀಕ್ಷೆ ಮಾಡ್ತಾರೆ. ಆದರೆ ಎಂದಾದರೂ ರೆಸ್ಯೂಮ್ನಲ್ಲಿ ಮಾಡಬಾರದ ತಪ್ಪನ್ನ ಮಾಡಿ ಸಿಕ್ಕಿ ಹಾಕಿಕೊಂಡಿದ್ದೀರಾ..?
ರೆಸ್ಯೂಮ್ನಲ್ಲಿ ಮಾಡಿದ ಬಹುದೊಡ್ಡ ತಪ್ಪಿನಿಂದ ತನ್ನ ಗೆಳತಿ ಹೇಗೆ ಕೆಲಸ ಕಳೆದುಕೊಂಡಳು ಅನ್ನೋ ವಿಚಾರವನ್ನ ವ್ಯಕ್ತಿಯೊಬ್ಬ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾನೆ. ಅಂದಹಾಗೆ ಆಕೆಯ ರೆಸ್ಯೂಮ್ನಲ್ಲಿ ಆಗಿದ್ದು ಸಣ್ಣ ತಪ್ಪಲ್ಲ. ಬದಲಾಗಿ ಆಕೆಯ ಹೆಸರೇ ಪ್ರಿನ್ಸೆಸ್ ಬನಾನಾ ಎಂದು ತಪ್ಪಾಗಿ ಟೈಪ್ ಆಗಿತ್ತು.
ಅಂದಹಾಗೆ ಇದು ಮೂರು ತಿಂಗಳ ಹಿಂದೆ ನಡೆದ ಘಟನೆಯಾಗಿದೆ. ನನ್ನ ಗೆಳತಿ ಯಾವುದೋ ಮನೆ ಕೆಲಸದಲ್ಲಿ ಬ್ಯುಸಿ ಆಗಿದ್ದಳು. ಈ ವೇಳೆ ಆಕೆ ನನ್ನ ಬಳಿ ಕಂಪ್ಯೂಟರ್ನಲ್ಲಿದ್ದ ರೆಸ್ಯೂಮ್ನ್ನು ಸೇವ್ ಮಾಡುವಂತೆ ಹೇಳಿದ್ದಳು. ನಾನು ಮಾಡಬೇಕಾಗಿದ್ದದ್ದು ಇಷ್ಟೇ. ಆಕೆಯ ಕಂಪ್ಯೂಟರ್ ನಲ್ಲಿ ಅವಳು ಸಿದ್ಧಪಡಿಸಿದ್ಧ ರೆಸ್ಯೂಮ್ನ್ನ ಅವಳ ಹೆಸರಿನಲ್ಲಿ ಸೇವ್ ಮಾಡಬೇಕಿತ್ತು.
ಈ ವೇಳೆ ಆಕೆಯ ಹೆಸರು ರಾಜಕುಮಾರಿ ಬಾಳೆಹಣ್ಣು ಎಂದು ಫನ್ನಿಯಾಗಿ ಸೇವ್ ಆಗಿದೆ. ರೆಸ್ಯೂಮ್ನಲ್ಲಿ ಆಕೆಯ ಹೆಸರು ಕೂಡ ತಪ್ಪಾಗಿ ನಮೂದಾದ ಕಾರಣ ಅವಾಂತರವಾಗಿದೆ ಎಂಬ ವಿಚಾರವನ್ನ ರೆಡ್ಡಿಟ್ನಲ್ಲಿ ಶೇರ್ ಮಾಡಿದ್ದಾರೆ. ನೆಟ್ಟಿಗರು ಈ ಘಟನೆಯನ್ನ ಓದಿದ ಬಳಿಕ ಹೊಟ್ಟೆ ಹುಣ್ಣಾಗುವಂತೆ ನಕ್ಕಿದ್ದಾರೆ. ಇನ್ನೂ ಹಲವರು ಆಕೆ ಒಮ್ಮೆ ತನ್ನ ರೆಸ್ಯೂಮ್ ಮರುಪರಿಶೀಲನೆ ಮಾಡಬೇಕಿತ್ತು ಎಂದು ಅಭಿಪ್ರಾಯ ಹೊರಹಾಕಿದ್ದಾರೆ.
Loading ...