ಅಮೆರಿಕಾ: ಅವರು ಮಾಡಿದ ವೆಡ್ಡಿಂಗ್ ಫೋಟೋ ಶೂಟ್ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ 40 ಸಾವಿರ ಜನ ಶೇರ್ ಮಾಡಿದ್ದಾರೆ. 28 ಸಾವಿರ ಜನ ರಿಯಾಕ್ಟ್ ಮಾಡಿದ್ದಾರೆ. ಆದರೆ, ಇದು ನಿಜವಾದ ವಧು-ವರರ ಫೋಟೋ ಶೂಟ್ ಅಲ್ಲ. ಬಾರ್ಬಿ ಡಾಲ್ – ಕೆನ್ ಮದುವೆಯದ್ದು.
ಹೌದು, ಕರೋನಾ ಲಾಕ್ ಡೌನ್ ಮದುವೆಗಳನ್ನು ರದ್ದು ಮಾಡಿದೆ. ಫೋಟೋಗ್ರಾಫರ್ ಗಳು ಮನೆಯಲ್ಲಿ ಕೂರುವಂತಾಗಿದೆ, ಇಂಥ ಸಂದರ್ಭದಲ್ಲಿ ಅಮೆರಿಕಾದ ಅಗ್ನೇಜ್ಕಾ ಮಾರ್ಷ್ ಎಂಬ ಮಹಿಳಾ ಫೋಟೋಗ್ರಾಫರ್ ತಮ್ಮ ಮಗಳ ಬಾರ್ಬಿ ಡಾಲ್ ಗಳನ್ನು ಬಳಸಿ ಕ್ರಿಶ್ಚಿಯನ್ ಮದುವೆಯ ದೃಶ್ಯಗಳನ್ನು ಸೃಷ್ಟಿಸಿದ್ದಾರೆ.
ಬಾರ್ಬಿ ಡಾಲ್ ವಧುವಾದರೆ ವರನನ್ನು ಲೂಯೀಸ್ ಟೊಮ್ಲಿನ್ನ್ಸನ್ ಸೃಷ್ಟಿಸಿಕೊಟ್ಟಿದ್ದಾರೆ. ಮಾರ್ಷ್ ಮದುಮಗ ಶೇವಿಂಗ್, ವಧುವಿನ ಅಲಂಕಾರದಿಂದ ಹಿಡಿದು ಎಲ್ಲ ಸನ್ನಿವೇಶಗಳನ್ನು ಸೃಷ್ಟಿ ಮಾಡಿ ತಮ್ಮದೇ ಮನೆ ಗಾರ್ಡನ್ ನಲ್ಲೇ ಫೋಟೊ ಮಾಡಿದ್ದಾರೆ. ಅವರ ಪತಿ ಇದಕ್ಕೆ ಕೊಂಚ ಸಹಕಾರ ನೀಡಿದ್ದಾರೆ. ಇನ್ನೂ ವಿಶೇಷ ಎಂದರೆ ಈ ಮದುವೆಗೆ ಬ್ಯಾಟ್ ಮ್ಯಾನ್, ಸೂಪರ್ ಮ್ಯಾನ್, ಐರನ್ ಮ್ಯಾನ್, ಕ್ಯಾಪ್ಟನ್ ಅಮೆರಿಕ ಮುಂತಾದವರು ಅತಿಥಿಯಾಗಿ ಬಂದಿದ್ದಾರೆ.