ಮೃಗಾಲಯದಲ್ಲೂ ʼನರಿʼ ಬುದ್ದಿ ತೋರಿಸಿದ ಚೀನಾ…!

ಚೀನಾದ ಮೃಗಾಲಯವೊಂದರಲ್ಲಿ ನಾಯಿಯನ್ನ ತೋಳದ ರೀತಿಯಲ್ಲಿ ಬಿಂಬಿಸಿದ ವಿಚಿತ್ರ ಘಟನೆ ನಡೆದಿದೆ. ಮೃಗಾಲಯದಲ್ಲಿ ತೋಳದ ಬೋರ್ಡ್​ ಹಾಕಿರುವ ಶ್ವಾನದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್​ ಆಗಿದೆ.

ಚೀನಾ ಕೇಂದ್ರ ಭಾಗದ ಹುಬೇ ಪ್ರಾಂತ್ಯದ ಕ್ಸಿಯಾನಿಂಗ್​ ನಗರದಲ್ಲಿರುವ ಕ್ಸಿಯಾಂಗ್​ವುಶನ್​ ಎಂಬ ಮೃಗಾಲಯದಲ್ಲಿ ಈ ವಿಚಿತ್ರ ಘಟನೆ ನಡೆದಿದೆ.

ವಿಡಿಯೋದ ಸಣ್ಣ ತುಣುಕೊಂದರಲ್ಲಿ ಮೃಗಾಲಯಕ್ಕೆ ಬಂದ ಪ್ರವಾಸಿಗರೊಬ್ಬರು ತೋಳ ಎಂಬ ಬೋರ್ಡ್​ನ ಹೊಂದಿದ್ದ ಬೋನಿನ ಕಡೆ ಬರುತ್ತಾರೆ. ಆದರೆ ಅದರೊಳಗೆ ರಾಟ್​ವಿಲ್ಲರ್​ ತಳಿಯ ಶ್ವಾನ ಇರೋದನ್ನ ಗಮನಿಸಿದ ಪ್ರವಾಸಿಗ ತೋಳ..! ನೀನು ನಿಜವಾಗಿಯೂ ತೋಳವೇ..? ಎಂದು ಶ್ವಾನದ ಬಳಿಯೇ ಪ್ರಶ್ನೆ ಮಾಡಿದ್ದಾನೆ.

ಈ ವಿಡಿಯೋ ಚೀನಾದ ವಿವಿಧ ಸಾಮಾಜಿಕ ಜಾಲತಾಣದ ವೇದಿಕೆಗಳಲ್ಲಿ ವೈರಲ್​ ಆಗಿದೆ. ಕೊರೊನಾ ಬಳಿಕ ಮೃಗಾಲಯದ ಆರ್ಥಿಕ ಸ್ಥಿತಿ ಶೋಚನೀಯವಾಗಿದೆ ಎಂದು ಮೃಗಾಲಯದ ಸಿಬ್ಬಂದಿ ಹೇಳಿದ್ದಾರೆ.

ಅತ್ಯಂತ ಕಡಿಮೆ ದರದಲ್ಲಿ ಕೊರೊನಾ ಪರೀಕ್ಷೆ ಸೌಲಭ್ಯ ಒದಗಿಸಿದೆ ಈ ಏರ್​ಲೈನ್​ ಕಂಪನಿ….!

ಈ ಬೋನಿನಲ್ಲಿ ಮೊದಲು ತೋಳವೇ ಇತ್ತು. ಆದರೆ ಅದಕ್ಕೆ ವಯಸ್ಸಾದ್ದರಿಂದ ಕೆಲ ತಿಂಗಳ ಹಿಂದೆ ಸಾವನ್ನಪ್ಪಿದೆ. ಹೀಗಾಗಿ ತಾತ್ಕಾಲಿಕವಾಗಿ ಈ ಜಾಗದಲ್ಲಿ ಶ್ವಾನವನ್ನ ಇಡಲಾಗಿದೆ ಎಂದು ಮೃಗಾಲಯದ ಸಿಬ್ಬಂದಿ ಹೇಳಿದ್ದಾರೆ.

ಈ ಮೃಗಾಲಯದಲ್ಲಿ ಪ್ರತಿಯೊಬ್ಬ ಪ್ರವಾಸಿಗನಿಗೆ 168 ರೂಪಾಯಿ ಶುಲ್ಕ ವಿಧಿಸಲಾಗುತ್ತಿತ್ತು. ಆದರೆ ಕೊರೊನಾ ವೈರಸ್​ ಸಾಂಕ್ರಾಮಿಕದ ಬಳಿಕ ಪ್ರವಾಸಿಗರ ಸಂಖ್ಯೆ ಗಣನೀಯವಾಗಿ ಇಳಿಕೆಯಾಗಿದೆ.

ಈ ರೀತಿ ಶ್ವಾನವನ್ನ ಬೇರೆ ಪ್ರಾಣಿಗಳಿಗೆ ಹೋಲಿಸಿರುವ ಚೀನಾದ ಈ ಬುದ್ಧಿ ಇದೇ ಮೊದಲೇನಲ್ಲ. 2018ರಲ್ಲೂ ಯುಹೆ ಮೃಗಾಲಯದಲ್ಲಿ ಸೈಬೆರಿಯನ್​ ಹುಲಿಗಳ ಜಾಗದಲ್ಲಿ ಶ್ವಾನಗಳನ್ನ ಇಡಲಾಗಿತ್ತು.

https://youtu.be/JxLkLiUGC5U