ಕಾಡುಪ್ರಾಣಿಗಳ ಸಂಚಾರಕ್ಕೆಂದೇ ಪ್ರತ್ಯೇಕ ಸೇತುವೆ ನಿರ್ಮಿಸಿದೆ ಅಮೆರಿಕದ ಈ ರಾಜ್ಯ..!

ಅಮೆರಿಕದ ಉತಾಹ್​ ಎಂಬಲ್ಲಿ ಪ್ರತಿ ವರ್ಷ 6000 ದಿಂದ 10000 ದಷ್ಟು ಜಿಂಕೆಗಳು ಸಾವನ್ನಪ್ಪುತ್ತಿವೆ ಎಂಬ ಭಯಾನಕ ಅಂಶ ಅಧ್ಯಯನವೊಂದರಲ್ಲಿ ಹೊರಬಿದ್ದಿದೆ. ಕಳೆದ 5 ವರ್ಷಗಳಲ್ಲಿ ಸುಮಾರು 14700ಕ್ಕೂ ಹೆಚ್ಚು ಜಿಂಕೆಗಳು ವಾಹನ ಅಪಘಾತದಲ್ಲಿ ಮೃತಪಟ್ಟಿವೆ.

ಜಿಂಕೆಗಳು ಅಪಘಾತದಿಂದ ಸಾವಿಗೀಡಾಗೋದನ್ನ ತಪ್ಪಿಸುವ ಸಲುವಾಗಿ ಉತಾಹ್​ನ ಅಧಿಕಾರಿಗಳು ಒಂದು ಸೇತುವೆ ನಿರ್ಮಾಣ ಮಾಡುವ ಮೂಲಕ ಹೊಸ ಮಾರ್ಗವನ್ನ ರೂಪಿಸಿದೆ.

ಪಾರ್ಲಿಸ್​ ಕಣಿವೆಯಲ್ಲಿ ವನ್ಯಜೀವಿ ಸಂಪನ್ಮೂಲ ಇಲಾಖೆ ಅಂತರ್​ರಾಜ್ಯ ರಸ್ತೆ 80ಕ್ಕೆ ಅಡ್ಡಲಾಗಿ 2018ರಲ್ಲಿ ಸೇತುವೆ ನಿರ್ಮಾಣ ಮಾಡಿತ್ತು. ಈ ಸೇತುವೆಯನ್ನ ಕಾಡು ಪ್ರಾಣಿಗಳು ಬಳಕೆ ಮಾಡುತ್ತಿವೆ ಎಂಬುದಕ್ಕೆ ಸಾಕ್ಷಿಯಾಗಿ ಉತಾಹ್​ ಸಾರಿಗೆ ಇಲಾಖೆ ವಿಡಿಯೋವೊಂದನ್ನ ಬಿಡುಗಡೆ ಮಾಡಿದೆ.

ಅಧಿಕೃತ ಫೇಸ್​ಬುಕ್​ ಖಾತೆಯಲ್ಲಿ ಉತಾಹ್​​ ಸಾರಿಗೆ ಇಲಾಖೆ ವಿಡಿಯೋ ಬಿಡುಗಡೆ ಮಾಡಿದ್ದು ಇದರಲ್ಲಿ ಮುಳ್ಳು ಹಂದಿ, ಮೂಸ್​ಗಳು, ಜಿಂಕೆ. ಕರಡಿ ಸೇರಿದಂತೆ ಹಲವು ಪ್ರಾಣಿಗಳು ಸೇತುವೆ ಮೇಲೆ ನಡೆದುಕೊಂಡು ಹೋಗೋದನ್ನ ನೋಡಬಹುದಾಗಿದೆ.

https://www.facebook.com/UtahDWR/videos/3416838815036581/