2020ರ ಅಮೆರಿಕ ಅಧ್ಯಕ್ಷೀಯ ಚುನಾವಣೆ ಏನಾಗುತ್ತೆ ಎಂಬ ಕಾತುರತೆ ಮನೆ ಮಾಡಿರುವ ಬೆನ್ನಲ್ಲೇ ಟ್ವಿಟರ್ನಲ್ಲಿ ಹೊಸದೊಂದು ಅಚ್ಚರಿ ಕಾಣಸಿಕ್ಕಿದೆ. ಡೊನಾಲ್ಡ್ ಟ್ರಂಪ್, ಜೋ ಬಿಡೆನ್ ಹಾಗೂ ಕಮಲಾ ಹ್ಯಾರೀಸ್ ಹೆಸರುಗಳ ಜೊತೆ ಭಾರತೀಯ ಖಾದ್ಯ ಪನ್ನೀರ್ ಟಿಕ್ಕಾ ಹೆಸರು ತಳಕು ಹಾಕಿಕೊಂಡಿದೆ.
ಬಳಿಕ ಇದು ಇಂಡಿಯನ್ ಅಮೆರಿಕನ್ ಮಹಿಳೆ ಪ್ರಮೀಳಾ ಜಯಪಾಲ್ರ ಟ್ವೀಟ್ನಿಂದ ಆದ ಕೆಲಸ ಅನ್ನೋದು ಗೊತ್ತಾಗಿದೆ. ಡೆಮಾಕ್ರಟಿಕ್ ಪಕ್ಷದ ಉಪಾಧ್ಯಕ್ಷೆ ಸ್ಥಾನದ ಅಭ್ಯರ್ಥಿ ಕಮಲಾ ಹ್ಯಾರಿಸ್ ಕೆಲ ದಿನಗಳ ಹಿಂದಷ್ಟೇ ತನಗೆ ಉತ್ತರ ಭಾರತದ ಎಲ್ಲಾ ರೀತಿಯ ಟಿಕ್ಕಾ ಖಾದ್ಯ ಇಷ್ಟ ಅಂತಾ ಹೇಳಿಕೊಂಡಿದ್ರು. ಹೀಗಾಗಿ ಮನೆಯಲ್ಲಿ ಮಖಾನಿ ತಿನಿಸನ್ನ ತಯಾರಿಸಿದ ಪ್ರಮೀಳಾ ಅದಕ್ಕೇ ಪನ್ನೀರ್ ಟಿಕ್ಕಾ ಎಂಬ ಹೆಸರನ್ನ ನೀಡಿ ಬಿಡೆನ್ ಹಾಗೂ ಹ್ಯಾರೀಸ್ಗೆ ಮತ ಹಾಕಿ ಅಂತಾ ಮನವಿ ಮಾಡಿದ್ದರು.
ಈ ರೀತಿ ಯಾವುದೋ ಆಹಾರ ಪದಾರ್ಥಗೆ ಇನ್ಯಾವುದೋ ಹೆಸರು ಕೊಟ್ಟಿದ್ದನ್ನ ಕಂಡ ಭಾರತೀಯರು ಟ್ವಿಟರ್ನಲ್ಲಿ ತಿಂಡಿಗಳಿಗೆ ತಪ್ಪು ತಪ್ಪಾದ ಹೆಸರನ್ನ ನೀಡಿ ಪೋಸ್ಟ್ ಮಾಡುವ ಮೂಲಕ ಪ್ರಮೀಳಾ ಜಯಪಾಲ್ರ ಕಾಲೆಳೆಯುತ್ತಿದ್ದಾರೆ.
Loading ...