ಅಮೆರಿಕದ 46ನೇ ಅಧ್ಯಕ್ಷರಾಗಿ ಜೋ ಬಿಡೆನ್​​ ಅಧಿಕೃತ ಆಯ್ಕೆ: ಸೆನೆಟ್‌ ನಲ್ಲಿ​​ ಘೋಷಣೆ

ಅಮೆರಿಕ ಸಂಸತ್​ ಜಂಟಿ ಅಧಿವೇಶನದಲ್ಲಿ ಜೋ ಬಿಡೆನ್​ ಹಾಗೂ ಕಮಲಾ ಹ್ಯಾರಿಸ್​​ರನ್ನ ಅಧಿಕೃತವಾಗಿ ಅಮೆರಿಕದ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷೆ ಎಂದು ಘೋಷಣೆ ಮಾಡಲಾಗಿದೆ.

ಉಪಾಧ್ಯಕ್ಷ ಮೈಕ್​ ಪೆನ್ಸ್ ನೇತೃತ್ವದಲ್ಲಿ ನಡೆದ ಸಂಸತ್​ ಜಂಟಿ ಅಧಿವೇಶನದಲ್ಲಿ ಎಲೆಕ್ಟೋರಲ್​ ಕಾಲೇಜಿನ ಮತ ಎಣಿಕೆ ಮಾಡಲಾಗಿದ್ದು, 306 ಎಲೆಕ್ಟೋರಲ್​ ಮತಗಳನ್ನ ಗಳಿಸಿರುವ ಜೋ ಬಿಡೆನ್​ ಅಮೆರಿಕದ ಅಧಿಕೃತ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.

ಗುರುವಾರ ಮುಂಜಾನೆ ಸಂಸತ್​ ಜಂಟಿ ಅಧಿವೇಶನದಲ್ಲಿ ಜೋ ಬಿಡೆನ್​ ಹಾಗೂ ಕಮಲಾ ಹ್ಯಾರಿಸ್​​ರ ವಿಜಯವನ್ನ ಔಪಚಾರಿಕವಾಗಿ ಪ್ರಮಾಣೀಕರಿಸಲಾಯ್ತು. ಅಮೆರಿಕ ಕ್ಯಾಪಿಟಲ್​ ಮೇಲೆ ಟ್ರಂಪ್​ ಬೆಂಬಲಿಗರ ಹಿಂಸಾಚಾರ ತಣ್ಣಗಾದ ಬಳಿಕ ಬುಧವಾರ ಮಧ್ಯರಾತ್ರಿಯಿಂದ ಜಂಟಿ ಅಧಿವೇಶನವನ್ನ ಮುಂದುವರಿಸಿ ಈ ಘೋಷಣೆ ಮಾಡಲಾಗಿದೆ.

78ರ ಹರೆಯದ ಜೋ ಬಿಡೆನ್​ ಹಾಗೂ 56 ವರ್ಷದ ಕಮಲಾ ಹ್ಯಾರಿಸ್​​ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷೆಯಾಗಿ ಜನವರಿ 30ರಂದು ಪ್ರಮಾಣ ವಚನ ಸ್ವೀಕರಿಸಲಿದ್ದಾರೆ. ಕೊರೊನಾ ಮಾರ್ಗಸೂಚಿಗಳನ್ನ ಗಮನದಲ್ಲಿಟ್ಟುಕೊಂಡು ಪ್ರಮಾಣ ವಚನ ಕಾರ್ಯಕ್ರಮ ಆಯೋಜನೆಗೊಳ್ಳಲಿದೆ.