ಸಾಲ ತೀರಿಸಲಾಗದವನ ಒಳ ಉಡುಪು ಹರಾಜಿಗಿಟ್ಟ ಸರ್ಕಾರ…!

ಸಾಮಾನ್ಯವಾಗಿ ಸಾಲ ತೀರಿಸಲಾಗದವರ ಬಳಿ ಇರುವ ಬೆಲೆ ಬಾಳುವ ವಸ್ತುಗಳನ್ನ ಮುಟ್ಟುಗೋಲು ಹಾಕಿ ಅದನ್ನ ಹರಾಜಿಗೆ ಇಡಲಾಗುತ್ತೆ. ಆದರೆ ಇಲ್ಲಿ ಸಾಲಗಾರರ ಒಳ ಉಡುಪುಗಳನ್ನ ಹರಾಜಿಗೆ ಇಟ್ಟ ಪ್ರಸಂಗ ನಡೆದಿದೆ.

ಉಕ್ರೇನ್​ನ ಕ್ರಿವಿ ರಿಹ್ ನಗರದಲ್ಲಿ ಈ ವಿಚಿತ್ರ ಘಟನೆ ಸಂಭವಿಸಿದೆ. ಸಾಲಗಾರರ ಮನೆ ಮೇಲೆ ನಡೆಸಲಾದ ದಾಳಿಯಲ್ಲಿ ಒಳಉಡುಪುಗಳನ್ನ ವಶಕ್ಕೆ ಪಡೆಯಲಾಗಿದೆ.

ದೇಶದ ಕಾನೂನು ಸಚಿವಾಲಯ ಈ ಒಳ ಉಡುಪುಗಳನ್ನ 50 ರೂಪಾಯಿ ಮೂಲ ಬೆಲೆಯಿಂದ ಹರಾಜಿಗಿಟ್ಟಿವೆ.

36 ಜೋಡಿ ಒಳ ಉಡುಪುಗಳನ್ನ ಹರಾಜಿಗೆ ಇಡಲಾಗಿದೆ ಎಂದು ಫೇಸ್​ಬುಕ್​ನ ಓಪನ್​ ಮಾರ್ಕೆಟ್​ ಎಂಬ ಖಾತೆಯು ಪೋಸ್ಟ್ ಮಾಡಿದೆ.

ಉಕ್ರೇನ್​ನಲ್ಲಿ ಈ ರೀತಿಯ ವಿಚಿತ್ರ ವಸ್ತುಗಳನ್ನ ಹರಾಜಿಗೆ ಇರಿಸಿರೋದು ಇದೇ ಮೊದಲೇನಲ್ಲ. ಸಾಲಗಾರರ ಹಸು ಹಾಗೂ ಕುರಿಗಳನ್ನೂ ಹರಾಜಿಗೆ ಇಡಲಾಗಿದೆ. ಇಷ್ಟೇ ಏಕೆ ಸಾಕು ನಾಯಿಗಳು ಕೂಡ ಹರಾಜು ಪ್ರಕ್ರಿಯೆಯಲ್ಲಿ ಮಾರಾಟವಾಗಿರೋದು ಇದೆ.