ಯುಕೆಯಲ್ಲಿ 50 ಸಾವಿರ ಗಡಿ ದಾಟಿದ ಕೊರೊನಾ ಸಾವಿನ ಸಂಖ್ಯೆ

50 ಸಾವಿರ ಕೊರೊನಾ ಸಾವುಗಳ ಸಂಖ್ಯೆಯನ್ನ ದಾಖಲಿಸುವ ಮೂಲಕ ಯುಕೆ ಯುರೋಪ್​ನ ಅತಿ ಹೆಚ್ಚು ಕೊರೊನಾ ಸಾವನ್ನ ಹೊಂದಿದೆ ಅಂತಾ ಪ್ರಧಾನಿ ಬೋರಿಸ್​ ಜಾನ್ಸನ್​ ಹೇಳಿದ್ದಾರೆ.

ಸರ್ಕಾರ ಬಿಡುಗಡೆ ಮಾಡಿದ ಅಧಿಕೃತ ಅಂಕಿ ಅಂಶಗಳ ಪ್ರಕಾರ ಈ ವಾರದಲ್ಲಿ 22,950 ಹೊಸ ಪ್ರಕರಣಗಳು ದಾಖಲಾಗಿವೆ. ಮಾರಣಾಂತಿಕ ವೈರಸ್​ನಿಂದ ಯುಕೆಯಲ್ಲಿ ಸಾವನ್ನಪ್ಪಿದ್ದವರ ಸಂಖ್ಯೆ 50365ಕ್ಕೆ ತಲುಪಿದ್ದು, ಈ ಮೂಲಕ ಅಮೆರಿಕ, ಬ್ರೆಜಿಲ್​, ಭಾರತ ಹಾಗೂ ಮೆಕ್ಸಿಕೋ ಬಳಿಕ ಸಾವಿನ ಸಂಖ್ಯೆ 50 ಸಾವಿರದ ಗಡಿ ದಾಟಿದ ರಾಷ್ಟ್ರ ಯುಕೆ ಆಗಿದೆ.

ದೇಶದಲ್ಲಿ ನಡೆದ ಪ್ರತಿಯೊಂದು ಸಾವು ಒಂದು ದುರಂತ. ಸಾವಿಗೀಡಾದ ಪ್ರತಿಯೊಬ್ಬರಿಗಾಗಿ ನಾವು ಶೋಕಿಸುತ್ತೇವೆ. ಅವರ ಕುಟುಂಬದ ಜೊತೆ ನಾವಿದ್ದೇನೆ ಅಂತಾ ಪ್ರಧಾನಿ ಜಾನ್ಸನ್​ ಹೇಳಿದ್ದಾರೆ.