ಫೋನ್ ಕೈನಿಂದ ಜಾರಿ ನೆಲಕ್ಕೆ ಬಿತ್ತು ಅಂದರೆ ಸಾಕು ಒಮ್ಮೆ ಹೃದಯ ಬಡಿತವೇ ನಿಂತಂತೆ ಭಾಸವಾಗುತ್ತೆ. ಅಂತದ್ರಲ್ಲಿ ನಿಮ್ಮ ಮೊಬೈಲ್ ವಿಮಾನದಿಂದ ಕೆಳಗೆ ಬಿತ್ತು ಅಂದರೆ ಅದನ್ನ ಊಹಿಸಿಕೊಳ್ಳೋಕೆ ಸಾಧ್ಯವಿದೆಯೇ…?
ಆದರೆ ವಿಚಿತ್ರ ಘಟನೆಯೊಂದರಲ್ಲಿ ವ್ಯಕ್ತಿಯೊಬ್ಬರ ಮೊಬೈಲ್ ಒಂದು ವಿಮಾನದಿಂದ ಕೆಳಕ್ಕೆ ಬಿದ್ದಿದೆ. ಮಾತ್ರವಲ್ಲದೇ ಆ ಮೊಬೈಲ್ನ್ನ ವಾಪಾಸ್ ಕೂಡ ಪಡೆಯಲಾಗಿದೆ. ಅದೂ ಅಲ್ಲದೇ ಸಂಪೂರ್ಣ ದೃಶ್ಯಾವಳಿ ಮೊಬೈಲ್ ಕ್ಯಾಮರಾದಲ್ಲಿ ಸೆರೆಯಾಗಿದೆ.
ಚಿತ್ರ ನಿರ್ಮಾಪಕ ಎರ್ನೆಸ್ಟೋ ಗಾಲ್ಯೋಟೋ ಎಂಬವರಿಗೆ ಸೇರಿದ ಐ ಫೋನ್ 6, ವಿಮಾನದಿಂದ ಕೆಳಗೆ ಬಿದ್ದಿದೆ. ಆದರೆ ಜಿಪಿಎಸ್ ಸಹಾಯದಿಂದ ಮೊಬೈಲ್ನ್ನ ವಾಪಸ್ ಪಡೆಯಲಾಗಿದೆ.
ವಿಚಿತ್ರ ಅಂದರೆ ಅಷ್ಟೊಂದು ಅಡಿ ಎತ್ತರದಿಂದ ಮೊಬೈಲ್ ಬಿದ್ದಿದ್ದರೂ ಸಹ ಸಣ್ಣ ಗೀರು ಬಿಟ್ಟರೆ ಮೊಬೈಲ್ಗೆ ಇನ್ಯಾವುದೇ ರೀತಿಯ ಹಾನಿ ಉಂಟಾಗಿಲ್ಲವಂತೆ.
ಸಂಪೂರ್ಣ ದೃಶ್ಯಾವಳಿಯನ್ನ ಎರ್ನೆಸ್ಟೋ ಯು ಟ್ಯೂಬ್ನಲ್ಲಿ ಶೇರ್ ಮಾಡಿದ್ದು ಲಕ್ಷಗಟ್ಟಲೇ ವೀವ್ಸ್ ಸಂಪಾದಿಸಿದೆ.
Loading ...